“Sharq” mintaqasida ortda qolgan oy davomida o'zini ko'rsatgan eng yaxshi uch futbolchini tanlab oldik. Unga ko'ra 1-o'ringa Isroil Tursunovni qo'ydik. Ayni damda “sharq” mintaqasida to'purarlar ro'yxatini boshqarib borayotgan hujumchi aprel oyida jamoasining bir necha bor muvaffaqiyat qozonishiga katta hissa qo'shgani bilan etiborimizni tortdi. 28 yoshli hujumchi aprel oyida bo'lib o'tgan 6 uchrashuvda jami 6ta gol urishga erishdi. Ahamiyatlisi Tursunov “Istiqlol”ning safarda “Kosonsoy” va “Chust-Paxtakor”ga qarshi o'tkazgan o'yinlarida ikkitadan gol urib jamoasiga uch ochko keltirdi. Mana shu omillar ham uning aprel oyida eng yaxshi futbolchi bo'lishiga xizmat qildi!

2-o'ringa, Islombek Isoqjonovni qo'ydik. Istedodli hujumchi mana ikkinchi yildirki birinchi ligada to'purarlik mahoratini namoyish etib kelmoqda. O'tgan mavsum Buxoroning “Spartak” jamoasida o'ynagan Isoqjonov joriy mavsumni Uychining “Xotira-79” jamoasida o'tkazmoqda. To'raqo'rg'onlik futbolchi ortda qolgan aprel oyida “Xotira-79”ga bir necha bor foydali gollarni urishga erishdi. Xususan u ketma-ket uchta o'yinda raqiblar darvozasini ishg'ol etibi, muxlislar etiborini tortdi. Umumiy gollari soni 5tani tashkil etdi.

3-o'rinni Abdurazzoq Jo'raev band etdi. “Kosonsoy” futbolchisi ham aprel oyida o'zining to'purarlik mahorati bilan ko'pchilikni nazariga tushdi. Faoliyati davomida oliy liga vakili “Buxoro” va “Navbahor” kabi jamoalarda o'ynagan Jo'raev joriy mavsumni birinchi ligada o'tkazmoqda. Shu boisan ham unga bu ligada gol urish oson kechayotgan bo'lishi mumkin. Har xolda tajribasi yuqori. 26 yoshli futbolchi chempionatning ilk o'yinida uchta gol urib jamoasiga g'alaba keltirdi. Keyingi o'yinda ham Abdurazzoq gol uri ammo bu uchrashuvda “Kosonsoy” mag'lub bo'ldi.
Ko'rib turganingizdek aprel oyining eng yaxshilarini aniqlashda asosan futbolchilarning urgan gollariga etibor qaratdik. Nega endi, darvozabon, himoyachi yoki yarim himoyachilarni eng yaxshi deb topilmadi degan savol tug'ilishi tabiiy. Buning javobi shundaki turning har bir bahsini ham o'zimiz bevosita kuzatish imkoniyatiga ega emasmiz.

“Sharq” mintaqasida. Aprel oyining eng yaxshi futbolchisi!
1. Isroil Tursunov – “Istiqlol”
2. Islombek Isoqjonov – “Xotira-79”
3. Abdurazzoq Jo'raev – “Kosonsoy”

Birinchi liga, “Sharq” mintaqasi. Aprel oyining eng yaxshi futbolchisi – Isroil Tursunov!