Samarqandning “Registon” jamoasi musobaqadan chetlatilganidan so'ng, ushbu mintaqada 5tadan o'yin bo'lib o'tmoqda. Quyida mazkur tur statistikasini etiboringizga havola etamiz.

UCHRASHUVLAR
Sho'rtan – Alanga – 8:0.
G'ijduvon – Orol – 0:3.
Mashal-2 – Xorazm – 0:0.
G'allakor-Avtomobilchi – Zomin – 0:1.
Sherdor – Guliston – 3:1.

Ortda qolgan turdagi o'yinlarga to'xtaladigan bo'lsak, peshqadam “Sho'rtan” 100 foizlik natija bilan oliy liga sari dadil odimlamoqda. Muxtor Qurbonov jamoasi birinchi ligada haqiqatdan ham kuchli ekanligini turdan-turga isbotlab kelmoqda. G'uzorliklar ushbu turda “Alanga”ni qabul qilib yirik hisobda tor-mor etdi. 8:0 hisobida g'alaba qozonish “Sho'rtan” uchun odatiy xol bo'lib borayotgani ligada ishtirok etayotgan jamoalarning haddan ziyod qarshilik ko'rsata olmayotganini anglatadi.

Turnir jadvalida peshqadam ortidan taqib etib kelayotgan “Xorazm” bu safar qimmatli ikki ochko yo'qotdi. “Mashal-2” jamoasi ham o'z maydonida o'ynayotganini his etgan xolda, urganchliklarga jiddiy qarshilik ko'rsatdi va yakunda tomonlarga durangga imzo chekdi.

Nukusning “Orol” jamoasi mazkur turda muxlislarini quvontirdi. Safarda “G'ijduvon” bilan kuch sinashgan Nematulla Qutiboev jamoasi mehmondan muhim g'alaba bilan qaytdi.

“Xorazm” va “Orol”dan keyingi o'rinda ularni ortidan quvishda davom etayotgan “Zomin” ham bu turda o'zi uchun kerakli natija qayd etdi. Jizzax derbisida Spartak Murtazoev jamoasi safarda “G'allakor-Avtomobilchi”ni mag'lub eta oldi va o'z hisobiga 3 ochko yozdirib qo'yishga erishdi.

O'z maydonida “Guliston”ni qabul qilgan “Sherdor” irodali g'alabaga erishdi. Garchi uchrashuvda gulistonliklar birinchi bo'lib hisobni ochishga erishgan bo'lsa-da, yakunda ular hattoki durangni ham ushlab qola bilmadi. Achinarlisi o'tgan yili oliy ligada etakchilarga jiddiy qarshilik ko'rsata olgan “Guliston” bugungi kunda birinchi ligada hattoki kuchli sakkiztalikka ham kira olmayapti.

GOLLAR
* 17-turda bo'lib o'tgan 5ta o'yinda kiritilgan umumiy gollar soni 16tani tashkil etdi.
* Shundan 11tasini mezbon jamoalar kiritgan bo'lsa mehmonlar hisobiga esa 5ta gol yozilgan.
* Etiborlisi kiritilgan 16ta golning yarmini yani, 8tasini “Sho'rtan” kiritgan!
* Uchrashuvlarning birinchi bo'limida 9ta gol kuzatildi.
* Ikkinchi taymda esa yana 7ta gol qayd etildi.
* Turning eng tezkor goli 2-daqiqada kiritilgan bo'lib, unga Aleksandr Vostrikov mualliflik qilgan.
* Aksincha turning eng so'nggi golini ham aynan “Sho'rtan” futbolchisi urgan. Umar Eshmurodov 76-daqiqada “Alanga” darvozasiga so'nggi golni kiritgan.

* 4ta DUBL. Bir o'yinda ikkitadan gol urgan futbolchilar 4tani tashkil etdi.

Aleksandr Vostrikov (“Sho'rtan”)
Viktor Klishin (“Sho'rtan”)
Turg'un Qobilov (“Sherdor”)
Shukurulla Qutiboev (“Orol”)
* Ushbu turda o'z darvozasidan eng ko'p to'p o'tkazib yuborgan jamoa “Alanga” bo'ldi. 8ta!
*
OGOHLANTIRISH VA CHETLATISH
* O'tkazilgan 5ta uchrashuvda hakamlar jami 19 nafar o'yinchini sariq kartochka bilan “siyladi”. Bu har bir o'yinga o'rtacha 3,8tadan sariq demakdir.
* Mezbon jamoalardan 10ta futbolchiga sariq kartochka ko'rsatilgan.
* Mehmonlardan esa 9tasi ogohlantirilgan.
* O'yinlarning birinchi bo'limida 7ta o'yinchi sariq kartochka ishlab oldi.
* Ikkinchi bo'limda esa bu borada ko'rsatkich deyarli ikki barobar oshdi. 12ta sariq!
* Turning namunali jamoalari “Orol” bilan “Xorazm” bo'ldi. Etiborlisi ushbu turda bu jamoalardan birorta ham sariq kartochka olgan futbolchi kuzatilmadi. Bu borada ular boshqalarga namuna ko'rsatdi.
* Aksincha 17-turda eng ko'p kartochka olgan jamoa “Zomin” bo'ldi. 3ta sariq 1ta qizil kartochka!
* “G'allakor-Avtomobilchi” va “Guliston” futbolchilari ham 3tadan sariq kartochka olgan.
* Ushbu turda eng ko'p kartochkalar ishlangan o'yin “G'allakor-Avtomobilchi” – “Zomin” bo'ldi. Bosh hakam Murod Muhamedov 6 o'yinchini sariq bilan “siylab”, 1ta futbolchini muddatidan oldin qizil kartochka berib chetlatishga qaror qildi.
* “Mashal-2” – “Xorazm” (0:0) bahsida esa Zokir Qodirov atiga bitta o'yinchini sariq kartochka bilan ogohlantirdi xolos.

TOMOSHABINLAR
“G'arb” mintaqasida muxlislar tashrifi nisbatan yaxshi desa bo'ladi. Xususan 17-turda o'yinlarni ko'rish uchun stadionga 7176ta ishqiboz qadam ranjida qilgan.
Har bir bahsga o'rtacha 1435tadan tomoshabin demakdir. Aslida bu ham kam. Lekin nailoj.
“Sho'rtan”ning yirik g'alabalari muxlislarni stadionga qaytarmoqda. 17-turda eng ko'p tomoshabin ham aynan g'uzorliklarning uy bahsiga kirgan.
Aksincha eng kam ishqiboz kirgan o'yin Samarqandda kuzatildi. “Sherdor” – “Guliston” uchrashuvini stadionda atiga 75 nafar muxlis kuzatgani, o'yin qaydnomasida yozib ko'rsatilgan.

Muxlislar tashrifi kimda qanday?
Sho'rtan – Alanga – 8:0. 3853 tomoshabin.
G'ijduvon – Orol – 0:3. 1501 tomoshabin.
Mashal-2 – Xorazm – 0:0. 182 tomoshabin.
G'allakor-Avtomobilchi – Zomin – 0:1. 1565 tomoshabin.
Sherdor – Guliston – 3:1. 75 tomoshabin.

TURNIR JADVALI

#	Jamoa	O'	YU	D	M	UG - O'G	T-N	Ochk
1	Sho'rtan	18	17	1	0	69 - 6	63	52
2	Xorazm	17	10	3	4	29 - 19	10	33
3	Orol	17	10	1	6	25 - 17	8	31
4	Zomin	17	9	3	5	16 - 12	4	30
5	Mashal-2	17	8	3	6	22 - 22	0	27
6	Sherdor	17	7	4	6	18 - 22	-4	25
7	G'allakor Avtomobilchi	17	6	2	9	26 - 32	-6	20
8	Alanga	18	5	4	9	26 - 37	-11	19
9	Spartak	18	6	0	10	24 - 36	-12	18
10	Guliston	17	4	3	10	16 - 28	-12	15
11	G'ijduvon	17	3	3	11	18 - 36	-18	12
12	Registon	18	2	3	13	10 - 32	-22	9

TO'PURARLAR:
Viktor Klishin (“Sho'rtan”) – 23ta.
Aleksandr Vostrikov (“Sho'rtan”) – 10ta.
Solijon Xayrullaev (“G'allakor-Avtombilchi”) – 10ta.
Navro'zbek Xaipov (“Orol”) – 9ta.
Nizom Norov (“Xorazm”) – 8ta.
Turg'un Qobilov (“Sherdor”) – 8ta.

18-TURDA UCHRASHADILAR
25 iyun (chorshanba)
“Registon” – “Alanga” -/+
“Sho'rtan” – “Spartak” 4:1
26 iyun (payshanba)
“Mashal-2” – “Orol”
“G'ijduvon” – “Xorazm”
“Sherdor” – “Zomin”
“G'allakor-Avtomobilchi” – “Guliston”

Islombek Rustambekov tayyorladi.

Birinchi liga, “G'arb” mintaqasi. 17-tur statistikasi