"O'yin yigitlarga etiroz yo'q. Maydonda 100 foiz kuchlarini qoldirishdi. "Paxtakor"ga qarshi o'yinlarda omadimiz kelmayapti. O'tgan yil ham so'nggi soniyalarda gol o'tkazib yuborgandik. Bu safar ham shunday bo'ldi. Yigitlarga hech qanday etirozim yo'q", - deydi Ashurmatov.

- "Navbahor" 10 kishi bo'lib qolganida yaxshiroq o'ynadi. Bu eng yaxshi himoya hujum taktikasida o'ynadinglarmi?
- Ko'rgan bo'lsangiz birinchi bo'limda raqib deyarli hujum qila olmadi. 10 kishi bo'lib qolganimizda raqib ko'proq hujum qildi. Shu bois ko'proq himoyalanishga majbur bo'ldik.

- "Lochinlar" o'tgan yili ham "Paxtakor"ga qarshi 10 kishi bo'lib qolgandi. Bu safar ham shunday bo'ldi. Bu tasodifmi?
- Yuqorida aytib o'tdim, "Paxtakor"ga qarshi bahslarda omadimiz kelmayapti. Raqib standart vaziyatlarda, qarshi hujumlarda xavfli ekanini bilardik. Bugun aynan qarshi hujumdan so'ng gol o'tkazib yubordik. 10 kishi bo'lib ham g'alabaga ishtiyoq bor edi. Gol bo'lgan vaziyatda ikki nafar markaziy himoyachimiz raqib jarima maydoni ichida edi.

- Ulug'bek Baqoev raqib jarima maydoni ichida yiqildi. Shaxsan menga penalti bordek tuyuldi. Bunga qanday qaraysiz?
- To'g'risi o'sha vaziyatga qiziqayotgandim. Lekin hali o'yinni ko'rib chiqmadik. Hozir hech kimni ayblamoqchi emasman. Qizil kartochka ko'rsatilgan vaziyatda ham fikrim shunday. Hozir aniq hech narsa deya olmayman.

- "Paxtakor"da Iskanderov va Maxaradze yo'q bo'lsa yaratuvchanlik yo'q. Faqat qanotlardan hujumlar... Jamoaingiz ko'proq hujumga o'tib, ijodkorlikni ko'proq namoyish etsa bo'lmasmidi?
- Fikrlaringiz to'g'ri. Lekin 10 kishi bo'lib qolib "Paxtakor"ga qarshi o'ynash og'ir. Gol o'tkazib yuborilgan vaziyatda himoyachi ham darvozabonimiz ham to'pni qaytarmadi.

- "Navbahor" o'tgan yildagidan kuchsizroq ko'rinmoqda.
- Balki shundaydir. Lekin o'yindan o'yinga kuchaytirib borishga urinamiz. Yana qaytaraman "Paxtakor"ga qarshi o'yinlarda omadimiz kelmayapti.

Narzulla Saydullaev

Baxtiyor Ashurmatov: "Shogirdlarimga hech qanday etiroz yo'q"