ECHL, yarim final. Dastlabki o'yin.

"Atletiko" - "Chelsi" 0:0

"Visente Kalderon" stadioni.

"Atletiko": Kurtua, Xuanfran, Miranda, Diego Godin, Luis Felipe, Mario Suarez (Sosa, 80), Gabi, Koke, Raul Garsiya (Vilya, 86), Diego (Arda Turan, 60), Diego Kosta.

"Chelsi": Chex (Shvarcer, 18), Koul, David Luiz, Keyxill, Terri (Shyurrle, 73), Aspilikueta, Ramires, Lempard, Obi Mikel, Villian (Demba Ba, 90+4), Torres.

Ogohlantirishlar: Lempard (64), Gabi (76), Obi Mikel (76), Demba Ba (90+5)

MATNLI TRANSLYACIYA
YANGILASH

Demak bugungi bahs nursiz durang bilan tugadi. Hammasi Londondagi bahsda hal etiladigan bo'ldi!
Doimo sog'-salomat bo'linglar! Xizmatingizda Shahboz Beg'amov bo'ldi. Etiboringiz uchun tashakkur!
Tuningiz osuda o'tsin!

Uchrashuv yakunlandi!

90+5` Demba Ba ogohlantirish olmoqda. Ha, u bekorga tushmagan ekan!

90+4` "Chelsi" tarkibida so'nggi o'zgarish: Villian o'rniga Demba Ba tushdi.

90+3` Arda Turannnnnnnnn! Uzoqdan berilgan zarbaaaaaa... Lekin yana noaniq....

90+3` Diegoooo Kostaa! Shvarcer!!!!!!!!!

90+2` Uchrashuvga 5 daqiqa vaqt qo'shib berildi.

90+1` "Atletiko" tezkor hujum uyushtirdi. Lekin samarasiz...

90` David Luiz! Luizning tepgan to'pi noaniq ketdi. Mourinodan esa qarsaklar..

89` Ana kerak bo'lsa! Fernando Torres jarima maydonchasi ichiga yorib kirayotgan paytda unga nisbatan qoida buzildi. Xavfli jarima zarbasi!

88` So'nggi daqiqalar... Asablar....

87` "Chelsi" ham o'z omadini raqib jarima maydonchasi oldidan izlashga urinib ko'rdi. Lekin "Atletiko" himoyachilari xavfni bartaraf etishdi.

86` Raul Garsiya o'rniga David Vilya.

86` "Chelsi" futbolchilari "Atletiko" jarima maydonchasi oldida raqibiga pressing uyushtirishdi. Sal bo'lmasa Torres to'pni olib qo'yardi...

85` Yana "Atletiko"ning hujumi. Raul Garsiyaning boshi bilan bergan navbatdagi zarbasi yana noaniq.

83` Diego Kosta! Kosta bugun jarima maydonchasi ichida erkin harakat qila olmayapti. Shuning uchun hozir kelgan to'pni to'g'irlab olmasdan chalqancha uslubda zarba berdi. Lekin noaniq... Chiroyli, ammo noaniq zarba!

81` "Atletiko" hujumlar yomg'irini boshlab yubordi. "Chelsi"ning himoya qo'rg'oni hozircha g'olib...

80` Suarez o'rniga Sosa maydonga tushmoqda.

79` Arda Turan!!!!!!!! Ardaning boshi bilan bergan zarbasi biroz noaniq ketdi. Hisob ochilishi mumkin edi...

78` Raul Garsiyaga ajoyib tarzda etkazib berilgan edi to'p. Garsiya bu vaziyatga tayyor emasligi unga pand berdi. "Atletiko" bosmoqda. "Chelsi" ayni paytda himoya haqida o'ylashga majbur.

77` Gabiiiii! Shvarcer!!!!! Jarimadan zo'r zarba va ajoyib "seyv"!

76` Obi Mikel va Gabi sariq kartochkalarniishlab olishdi. "Atletiko" esa jarima to'pini...

75` Maydonda olish, urish va to'polon... O'yinni shunday qizitishmoqda futbolchilar....

73` Jon Terri maydonni tark etdi. Shyurrle maydonga tushdi.

71` Joze Mourino o'yinni kuchaytira oladigan futbolchini maydonga chiqarishi kerak...

69` "Atletiko"ning ikkinchi qavatdagi rejalarini Shvarcer va Terri yo'qqa chiqarishmoqda.

67` Arda Turanning maydonga tushish mezbonlarning o'yinini biroz kuchaytira oldi. Hujumlar tashkil etilmoqda. Ammo so'nggi bekat "Chelsi" himoyachilari bo'lmoqda. Darvoza tomongacha ish bormayapti.

66` Frank Lempard javob o'yinini o'tkazib yuboradi endi.

65` Uchrashuvdagi ilk ogohlantirish - Frank Lempard.

63` Jarima zarbasi samarasiz yakunlandi. Terri va Keyxill bugun "Atletiko" hujumchilariga imkon berishmayapti.

62` "Atletiko" jarima zarbasini ishlab oldi. Xavfli bo'lishi mumkin.

60` Diego o'z o'rinin Arda Turanga bo'shatib bermoqda.

59` Fernando Torres! "Atletiko"ning sobiq futbolchisi birin-ketin raqib futbolchilarini aldab o'tdi va darvozaga to'pni tepdi. Tibo Kurtua uchun bu ortiqcha qiyinchilik to'g'dirmadi.

57` "Chelsi" oldinga bormoqda. Lekin ular o'z hujumlarini rivojlantirishda bugun anchagina oqsashmoqda. Eden Azar va Oskarlarning yo'qligi bilinmoqda.

55` "Atletiko"ning hujumi. Marko Shvarcer yugurib chiqib to'pni mushti bilan urib yubordi. To'p esa Diego Kostaga kelib tushdi. Kosta bir futbolchini aldadi va darvozaga zarba yo'lladi. Lekin Shvarcer ushbu to'pni ushlab oldi.

53` Marko Shvarcer burchakdan yo'naltirigan zarbani ushlab oldi va o'z jamoasi hujumini boshlab bermoqda.

52` "Atletiko" pozicion hujum tashkil etmoqda. "Chelsi" himoyachisi Eshli Koul to'pni maydondan chiqarib yubordi. Burchak to'pi.

51` David Luiz tibbiy yordam olmoqda. Nahotki yana ikkinchi bor majburiy o'zgarish ko'ramiz?

50` Maydonda tushunmovchiliklar yuzaga keldi. Futbolchilar o'zaro orani ochiq qilishmoqchi...

48` Tibo Kurtua darvozasi tomon zarba berildi. Lekin belgiyalik posbon o'z o'rnida.

46` Umid qilamiz, ikkinchi bo'limda chiroyliroq va yorqinroq futbol ko'ramiz.

Ikkinchi bo'lim boshlandi!

Biroz dam olamiz! Ha aytgancha, uxlab qolish yo'g'-a?!

Birinchi bo'lim tugadi. Tanaffus!

45+2` Jarima to'pini "Chelsi" amalga oshirdi. David Luizning uzoq tayyorlab tepgan zarbasi jonli devorgacha etib bordi...

45` Birinchi bo'limga 4 daqiqia vaqt qo'shib berildi.

44` Mourino chanqagan ko'rinadi. Bazi muxlislarni esa uyqusi kelganligi ham mumkin... Tanaffus yaqin!

43` Kechirasizlar-u, lekin "Chelsi" juda yopiq o'yin ko'rsatmoqda. Murabbiy tanlovi shunday. Joze aynan shu uslub bilan o'ziga kerakli natijani ilib ketmoqchi! Yakunda u to'g'ri qaror qabul qilganmi-yo'qmi bilib olamiz...

41` Diego Kosta! Ushbu forvard Shvarcer darvozasi tomon zarba yo'lladi. Lekin to'p yo'liga Aspilikueta tug'anoq bo'ldi. Diego Kosta esa penalti so'radi. Hakam o'yinni davom ettiraver dedi. Takroriy lavha shuni ko'rsatdiki, hakam to'g'ri gapirgan ekan!

40` Hozircha hammasi Joze Mourino xohlaganidek davom etmoqda deya olamiz. Albatta Chex bilan bo'lgan voqeadan tashqari.

38` "Chelsi" burchak to'pini amalga oshirdi. Lekin Tibo Kurtua ularning harakatlarini chipakka chiqardi va to'pni egallab oldi.

34` Suarez tomonidan kuchli zarba! Zarbaga birozgina aniqlik etishganida balki o'yindagi hisob ochilishi mumkin edi. Ilk xavfli zarba "Atletiko" futbolchisi tomonidan ijro etildi.

32` Obi Mikel raqib futbolchisiga nisbatan qoidani buzdi. Koke tomonidan ijro etilgan jarima zarbasini mehmonlar himoyachilari bartaraf eta olishdi.

31` Darvoza tomon bosh bilan berilgan zarba muallifi Raul Garsiya bo'ldi. Lekin Shvarcer bu vaziyatda o'yinga kirishishiga to'g'ri kelmadi.

29` "Atletiko" raqibiga nisbatan faolroq va ochiqroq o'yin ko'rsatmoqda. Diego hozir boshqa bir Diego Kostani qulay vaziyatga chiqarmoqchi bo'ldi. Lekin uning o'ylagan rejasini "Chelsi" himoyachilari "o'qiy" olishdi.

27` "Atletiko"ning uzoq o'ylagan hujumi amalga oshmadi. "Chelsi" esa tezkor qarshi hujumda harakat qilib ko'rdik. Lekin Ramiresning zarbasi noaniq chiqdi.

25` O'yin yuqori darajada va hujumkor o'tyapti deb bo'lmaydi. Lekin o'yin dinamikasi va ichki darajasi juda yuqori va buni his etish qiyin emas. Jamoalar xato qilib qo'yishdan qo'rqib harakat qilayotgandek.

23` Tibo Kurtuani bugungi o'yinda o'zining jamoasiga qarshi maydonga tushishiga Joze Mourino qarshilik qilgandi. Lekin UEFA bu musobaqada kim xo'jayin ekanligini eslatib qo'ygani Mourino va "Chelsi"ni xohishini amalga oshirmadi. Qolgan vaqtlarda "Chelsi" asosiy posbonisiz. Joze Mourinoning ko'ziga endi raqiblar darvozasini qo'riqlayotgan, aslida esa "Chelsi"ga tegishli bo'lgan Tibo Kurtua "yomon" ko'rinaversa ajab emas!

21` "Chelsi" burchak to'pi tepdi. Xavfli ko'rinish olgan bu standart vaziyati, hakamning qoida buzilgani haqidagi xushtagi bilan tugadi.

20` "Atletiko" posboni Tibo Kurtua aslida "Chelsi"ga tegishli darvozabon. Lekin u bugun "Chelsi"ga qarshi. Kamiga aynan uning jamoasiga qarshi o'yin paytida Chex jarohat oldi. Mourinoni tushunsa bo'ladi....

19` Demak o'yin davom etadi.

18` Ha, jarohat jiddiy bo'lib chiqmoqda. Chex shifokorlar ko'magi ostida maydonni tark etmoqda. Shvarcer endi londonliklar darvozasini qo'riqlaydi.

17` Chexga shifokorlar yordam ko'rsatishmoqda. O'yinni davom ettira oladimi? Shvarcer esa mashg'ulotlarni boshlab yubordi...

15` Oyoyoyoy! "Atletiko" burchak to'pi tepdi. Petr Chex jonbozlik ko'rsatib to'pni maydon tashqarisiga chiqarib yuborishda qattiq jarohat oldi. Chex esa tezda o'zini almashtirishlarini so'radi. Bu endi "Chelsi"ga nechpo'ldan tushdi-a?

14` "Chelsi" nihoyat to'pni o'z nazoratiga oldi. Bu holatni "Visente Kalderon" stadioniga yig'ilgan muxlislar hayqiriqlar bilan kutib olishdi.

12` O'yinni ikkinchi tomonga qo'chdi. "Chelsi" maydon markazidan jarima to'pi tepdi. "Atletiko" himoyachilari bu vaziyatda aniq harakat qilishdi.

10` Takroriy lavhani ko'rsatishdi. Diego Kosta va Terri biroz keskin harakat qilishgan ekan. Diego Jon Terriga "elka" berib, maydonda kim xo'jayin ekanligini eslatib qo'ydi shekilli...

8` Maydon egalarining chap qanotdan uyushtirgan hujumlarini Petr Chex bartaraf etdi.

7` "Atletiko" futbolchilari maydonda to'p bilan harakat qilishmoqda. "Chelsi" bu vaqtda o'z jarima maydonchasi oldidan joy olmoqda. Hozircha to'p narigi tomonga o'tgani yo'q. Qachon o'tarkin-a?

6` Ha, bugun Joze Mourino o'yinni himoyadan boshladi va shunday davom ettirishni rejalashtirgani aniq.

5` Raul Garsiya maydonda yotibdi. U biroz jarohat olgandek...

3` Hozircha "Chelsi" to'pga deyarli tekkani yo'q. "Atletiko"ning navbatagi hujumini yon hakam bayroqchasini ko'targan xolda to'xtatib qo'ydi.

2` "Atletiko" uchrashuvni dadillik bilan boshlamoqda. Jamoa futbolchilari o'yin debyutidayoq oldinga borishdi va darvoza tomon ilk zarbani ham amalga oshirishdi. To'g'ri, bu erda zarbaga aniqlik etishmadi.

Uchrashuv boshlandi! Demak kettik...

O'yin boshlanishiga barcha narsa shay!

Evropa Chempionlar ligasi madhiyasi jaranglamoqda... Ha, bu o'zgacha turnir!!!!

Jamoalar maydonga chiqib kelishmoqda.

Joze Mourino tanlagan tarkib hujumkorlikni vada qila oladigan darajada emas. Lekin bu Mourino. Undan har baloni kutsa bo'ladi. Diego Simeone esa bugun jamoasi ichki chempionat va Chempionlar ligasida bekorga bunday natijalarni qayd etmayotganini yana bir bor isbotlashi talab etiladi. Bizni keskin kurashlarga boy bo'ladigan ajoyib futbol to'qnashuvi kutib turibdi!

Demak, hamma o'z ishlarini yig'ishtirib qo'yadigan vaqt yaqinlashmoqda. Sanoqli daqiqalardan so'ng Evropa Chempionlar ligasi yarim final uchrashuvi "Atletiko" - "Chelsi" bahsi boshlanadi. Futbol muxlislarini haqiqiy futbol bayrami kutib turganligi aniq. O'ylaymizki, bugungi futbol bellashuvi barchani "tungi uyqusini" qochirib yubora oladi.

Uchrashuv boshlanishiga tobora oz vaqt qolmoqda.

"Atletiko" futbolchilari joylashuvi

"Chelsi" futbolchilari joylashuvi

Torres bugun asosiy tarkibda! Fernando o'zining jona-jon jamoasiga qarshi bugun maydonda harakat qiladi

Stadionga muxlislar tashrifi boshlanmoqda

"Visente Kalderon" stadionidagi mehmonlar kiyinish xonasi

"Chelsi" futbolchilari stadionga kirib kelishmoqda

Assalomu aleykum qadrli futbol ishqibozlari! Bugun Evropada katta futbol bayrami. Evropa Chempionlar ligasi yarim final uchrashuvida "Atletiko" hamda "Chelsi" jamoalari o'zaro bahs olib borishadi. Ushbu qiziqarli va muhim bellashuvdan saytimiz orqali matnli onlayn translyaciyasini uyushtiramiz. Bugungi o'yin sharhida Siz aziz futbol muxlislari uchun Shahboz Beg'amov ishlaydi.

- Uchrashuv soat 23:45da boshlanadi.

Barcha masala Londonda hal etiladi