- O'yin haqida

- Albatta, bugungi o'yin og'ir o'tdi. Har ikki jamoa ham ochko yo'qotdi. Bugun yutqazishimiz yoki yutib ketishimiz ham mumkin edi. Yakuniy natija durang bilan yakunlandi.

- "Sho'rtan" himoyasi oxirgi 15 daqiqalikda ishonchsiz harakat qilgandek ko'rindi. Buni qanday izoxlaysiz?

- Bunday demagan bo'lardim. Charchoq natijasida futbolchi o'zini boshqara olmasligi mumkin. Bugun darvozabonimiz juda yaxshi o'yin ko'rsatdi. Gol o'tkazmasak, himoya va darvoza chizig'i yaxshi o'yin ko'rsatgan hisoblanadi.

- Jamoangiz bugun o'z maqsadiga erisha olmaganiga sabab nima bo'ldi?

- "Xorazm" yaxshi shakllangan jamoa. O'z muxlislari qarshisida o'ynagan jamoa bilan maydonda oson bo'lmaydi. Vaziyatlarimiz ham bo'ldi albatta.

Takrorlayman, Pro-ligada o'tkinchi o'yinlar bo'lmaydi.

- Anvar Berdiev milliy chempionatlarimizda eng ko'p gol urgan hujumchi sanaladi. O'zbekistonda shu kabi ko'p gol uradigan hujumchilarni ko'rayapsizmi?

- O'zbek futbolida so'ngi yillarda etibor anchayin kuchli. Har bir jamoada hujumchilar bilan ishlaydigan murabbiy bo'lishi kerak. O'yin vaqtida qanday ochilishi, qaysi uslubdagi zarba gol bilan yakunlanishi haqida tushunchalar berib borilishi kerak.

Anvar Berdiev: "Pro ligada o'tkinchi o'yinlar bo'lmaydi"