Ўйинда меҳмонлар йирик ҳисобдаги ғалабани қўлга киритиб, кейинги босқич масаласини ижобий ҳал қилишди.
Киль шаҳрида кечган ўйин тафсилотлари:
56-дақиқада Дениз Ундав ҳисобни очиб, меҳмонларни олдинга олиб чиқди.
Ўйин якунида "Штутгарт" босимни кучайтирди: 89-дақиқада Крис Фюрих, 90+2-дақиқада эса Атакан Каразор рақиб дарвозасини ишғол қилди — 0:3.
Шу тариқа, амалдаги кубок соҳиби "Штутгарт" ярим финал йўлланмасига эга чиқди. Эслатиб ўтамиз, ўтган мавсум финалида улар "Арминия"ни (4:2) мағлуб этиб, бош совринга эга чиқишган эди. Аввалроқ Леверкузеннинг "Байер" жамоаси ҳам ярим финалга йўл олганди.
