"O'yin ancha jonli, tezkor, shiddatli bo'ldi. Tezlik ancha yuqori bo'ldi. Bu shunchaki dastlabki xulosalar. Biz ikkinchi davrada safarda ochkolar qo'lga kirita olmayapmiz. Tarkibimizdagi yo'qotishlar tufayli qiyin bo'lishini tushunib turgandik. Bizda bugun faqat bitta himoyachi qolgandi - Vaniev. Qolganlar esa yarim himoyachilar edi. Raqib bizdan klass bo'yicha ustun", - deb gap boshladi Xomyakov.

- Bugungi o'yinga qo'yilgan vazifa qanday edi?
- Raqibga munosib qarshilik ko'rsatishni istagandik. Himoyaga ko'proq etibor qaratib qarshi hujumga o'tish rejalashtirilgandi. Raqib o'z jarima maydoni yonida to'pni yo'qotganida pressing qilish edi. Ammo doim ham kutilganidek bo'lib chiqmaydi.

- Sizga xorijlik mutaxassis sifatida bir savol bermoqchiman. So'nggi paytlarda oliy ligamizda kelishilgan o'yinlar haqida ko'p gap-so'zlar yuribdi. Har bir turdan so'ng bir nechta o'yinlar shubha ostida qolmoqda. Nima deb o'ylaysiz O'zbekistonda kelishilgan o'yinlar bormi?
- Qo'shilaman, shunday gap-so'zlar yuribdi. Bundan xabarim bor. Lekin men bosh murabbiy sifatida oliy ligada birinchi yil ishlayapman. Shu bois bu borada aniq javob bera olmayman.

- "Mashal" statistikasiga etibor qilsak, jamoa yutadimi yo'qmi Zohir Qo'ziboev gol urmoqda...
- Mavsum boshida bu borada biroz xavfsiragandik. Sababi u oliy ligada debyut qilishi kerak edi. Ammo shubhalarimizni barbod qilganidan xursandman. Hozircha 10dan ortiq gol urdi. U aynan shu bois ham maydonga tushadi, vazifasi gol urish.

- Bu yil "Mashal" beshinchi o'rinni deyarli naqd qildi. Keyingi mavsum klub o'z oldiga yanada yuqori o'rinlarni maqsad qilishi mumkinmi?
- Avvalo hali oldinda 4ta tur bor. Shu bois hali beshinchi o'rinni oldik deb ayta olmayman. Keyingi yil borasida esa, albatta bundan yaxshiroq natija ko'rsatmasak muxlislarimiz bizdan ranjishlari tabiiy.

Aleksandr Xomyakov: "O'zbekistonda kelishilgan o'yinlar bormi yoki yo'qmi buni bilmayman"