- Shak-shubxasiz, juda xursandman. Shunday og'ir uchrashuvda g'alabaga erishdik. Yana bir bor xarakter namoyish qildik va muvaffaqiyat qozondik. Barchasi biz o'ylagandek kechmadi. Penaltidan tezkor gol o'tkazib yubordik. Shoshildik, hujumga katta etibor berdik. Bazida biroz sabr, mahorat etishmadi. Omad biz tomonda bo'ldi. Balki bu g'alabani yigitlarning bor kuchi bilan o'ynagani, o'zlarini o'yinga bahsh qila olgani va kerakli natijaning aynan shu sababli qo'lga kiritilgani bilan bog'lasak bo'ladi. Yigitlarga biz muxlislar uchun o'ynashimiz kerakligini, o'yindagi barcha harakatlar yoddan chiqishini, o'yindan faqatgina eng yaxshi hissiyotlar qolishini aytgandim. Shu orqali yigitlar muxlislarga g'alabani tortiq qila olishdi. Barchani g'alaba bilan tabriklayman va oldinga harakatlanishda davom etamiz.

- Ushbu mavsumda hozirgacha qo'lga kiritilgan eng qiyin g'alaba deb aytsak bo'ladimi?

- Albatta. Ammo barcha o'yinlar og'ir o'tmoqda. Har bir o'yinda hujumni tashkil qilishda etarlicha muammolarga, qiyinchiliklarga duch kelyapmiz. Raqiblar bir kishi kam bo'lib qolganidan keyin bizning to'liq nazoratimizni kutishgandi. Biroq biz ikki qanotni ishlatishdan to'xtamadik. Bizga to'pni ushlab turish, sovuqqonlik, texnik mahorat etishmayapti. Ishlashda, rivojlanishda davom etishimiz kerak.

- Adashmasam, bu "Andijon"ning Superligada "Turon" ustidan qozongan ilk g'alabasi. "Turon" "Andijon" uchun noqulay raqibmi?

- Bu haqda eshitmagandim. Statistikalarni kuzatib bormayman. Biz o'yindan o'yinga tayyorlanib kelyapmiz. Barcha o'yin biz uchun og'ir o'tyapti, engil o'yinning o'zi yo'q. Shu bois har bir uchrashuvga so'nggi bahs kabi kayfiyatda maydonga tushyapmiz.

- Klubning moliyaviy holati borasida saytlarda ko'p malumotlar chiqdi. Shuningdek, ikki futbolchining OKMKga o'tishi borasidagi xabarlarga nima deysiz?

- Bu savol menga emas, menda bunga javobning o'zi yo'q. Rubinning ketishi borasida gapirish qiyin, hozircha u bizning jamoada va gol urishda davom etyapti. Jamoa belgilangan yo'nalish bo'yicha ishlashda davom etyapti.

Aleksandr Xomyakov: "Futbolchilarga muxlislar uchun g'alaba qozonish kerakligini aytgandim"