"Yuventus" futbolchisi Bekxemning klubiga o'tadi

10 avg 2020, 19:17
Turinning "Yuventus" klubi yarim himoyachisi Blez Matyuidi faoliyatini AQSHda davom ettirishi kutilmoqda.

33 yoshli futbolchining keyingi jamoasi MLS vakili "Inter Mayami" bo'ladi. Xabaringiz bor, ushbu klub David Bekxemga tegishli. Futbolchi bugun Parijda yangi jamoasi uchun tibbiy ko'rikdan o'tishi rejalashtirilgan.

Ma'lumot uchun, Matyuidining "Yuventus" bilan amaldagi shartnomasi 2021 yilning yoziga qadar mo'ljallangan. Uning yillik maoshi 3,5 mln evroni tashkil qiladi.

Iguain "Yuventus" bilan shartnomani bekor qilishga tayyor 


Manba: La Gazzetta dello Sport