"Наполи" ярим ҳимоячиси АПЛга қайтиш имкониятини жиддий кўриб чиқмоқда ва Неаполь клуби эҳтимолий таклифлар тушиши мумкинлигидан хабардор.
Goal.com маълумотига кўра, футболчининг ўзи ва унинг вакили Кэм Рединг 2026 йилда Англияга қайтиш эҳтимолини ўрганяпти. Унинг "Наполи" билан шартномаси 2028 йилгача амал қилади, аммо "қизил иблислар" томонидан қизиқиш яқин трансфер ойнасидаёқ кучайиши мумкин.
Эслатиб ўтамиз, 29 ёшли шотландиялик 2024 йилнинг ёзида 32 млн фунт эвазига "Наполи"га ўтган ва дарҳол жамоанинг асосий фигурасига айланган.
У дебют мавсумида Неаполь жамоасига А Серия чемпионлигини қўлга киритишда ёрдам берди ва мавсумнинг энг яхши футболчиси деб топилди. Шунингдек, Мактоминей "Олтин тўп"га номзод қилиб кўрсатилди ҳамда Италиянинг энг яхши футболчиси деб эътироф этилди.
