Журналист Фабрицио Романонинг хабарига кўра, клуб мавсум сўнггида Бундеслигада қолиш вазифасини уддалагани сабаб 24 ёшли грекни харид қилиш бандини фаоллаштиради. Битим "Штутгарт"га 3 миллион евро атрофидаги маблағга тушиши мумкин.
Клуб тез орада футболчи билан шартнома шартларини муҳокама қилади.
"Штутгарт" Мавропаносни "Арсенал"дан 2020 йилнинг июлида ижарага олган эди. Ҳимоячи 2021/22 йилги мавсум жамоа таркибида 32та ўйинда майдонга тушиб, 5та гол ва 1та ассист қайд этди.
