Ўйин ҳақида
- Учрашув ёмон бўлмади. Иккинчи даврада яратилган вазиятлардан унумли фойдалана олмаяпмиз. Мусобақа жадвалидаги ўрнимиз ҳам йигитларга босим бўлди, таъсирини ўтказди.
- Жамоангиз бугун "Динамо"дан кўра кучлироқ мотивация билан ўйнаши керак эди. Аммо, майдонда жанговарлик кўрсатмагандек кўринди. Бугун етакчи футболчилар ва жамоа бош мураббийининг майдонда йўқлиги ҳам ўз таъсирини кўрсатдими?
- Ҳа, карточкалар туфайли айрим етакчи футболчиларимизни бугун майдонга тушира олмадик. Шунингдек, жамоа бош мураббийи Даврон Файзиевнинг ҳам йўқлиги таъсирини кўрсатди.
- Жамоа Про-лигада ўйнаса ҳам Даврон Файзиев клубда қоладими?
- Буни раҳбарият ҳал қилади.
- Мавсум якунидан ҳулоса, қайси нуқта панд берди деб ўйлайсиз?
- Иккинчи даврада ўйин бўйича фақат "Пахтакор"га ютқаздик. Аммо, қолган жамоалардан кам ўйин намойиш этмадик. Яратилган вазиятлардан унумли фойдалана олмаслик панд берди. Қониқарсиз натижалар фақат мураббийлар штабига боғлиқ эмас.
- Мухлисларга қандай фикрларингиз бор?
- Биз барчасини яхши бўлишини хоҳлаб ҳаракат қилдик. Жамоамиз мухлисларидан мураббийлар штаби, футболчилар ва клубимизнинг барча аъзолари номидан узр сўраймиз.
