Португалиялик юлдуз кеча Саудия Арабистони чемпионати доирасидаги "Ар Риёд"га қарши баҳсни ҳам ўтказиб юборган эди.
Вазият тафсилотлари:
- Журналист Абдулазиз Ал Осейми хабарига кўра, Роналду кечаги ўйинда қатнашмаган футболчилар учун ташкил этилган бугунги машғулотга келмаган.
- Ҳужумчи Саудия Арабистони суверен фонди (PIF) клубни бошқаришда асосий рақобатчи — "Ал Ҳилол"га кўпроқ имтиёз бераётганидан норози бўлмоқда.
- Форварднинг фикрича, клуб эгалари "Ал Наcср"нинг чемпионлик учун курашишига тўсқинлик қилмоқда.
Шунингдек, у Карим Бенземанинг "Ал Ҳилол"га ўтиши рақобат муҳитига зарар етказишини таъкидлаб, бу трансферга қарши чиққан эди.
Аввалроқ тарқалган маълумотларга кўра, Криштиану июнь ойида Саудия клубини тарк этиб, яна Европага қайтиши ёки МЛС клубларидан бирига ўтиши мумкин.
