“Янги мавсумга жиддий ҳозирлик кўраётган ва таркибни кучайтириш борасида кенг кўламли ишларни амалга ошираётган жамоамиз бугун хорватиялик маҳоратли ҳужумчи Стипе Перица билан шартнома имзолади.
Стипе Перица 1995 йилнинг 7 июлида Хорватиянинг Задар шаҳрида туғилган. Футболчилик фаолиятини 2012 йилда Хорватияда бошлаган Стипе Перица 2013 йилда Англиянинг “Челси”, кейинчалик эса Италиянинг “Удинезе” ва “Фросиноне”, Туркиянинг “Қосимпошо”, Англиянинг “Уотфорд”, Исроилнинг “Маккаби”, Бельгиянинг “Стандард” ва Руминиянинг “Динамо” каби таниқли жамоаларида тўп сурди. 2013/2016 йиллар давомида футболчи Хорватиянинг U-19, U-20 ва U-21 терма жамоалари шарафини ҳимоя қилди. Бундан ташқари Стипе Перица Европанинг нуфузли мусобақаларида ҳам иштирок этди. Улар орасида УЕФА Конференциялар лигаси, Европа плей-офф лигаси, Тото кубоги, Англия футбол лига кубоги, Нидерландия кубоги, Италия кубоги, Бельгия кубоги мусобақаларидир.
Жамоамиз ва фарғоналик футбол мухлислари номидан Стипе Перицага “Нефтчи” шарафини муносиб ҳимоя қилишига катта ишонч билдирамиз ва фаолиятида улкан зафарлар тилаймиз.
DOBRODOŠAO STIPE!”, — дейилади клуб хабарида.
