"El Chiringuito" нашрининг хабар беришича, аргентиналик футболчи Мадриднинг "Реал" клуби ҳужумчилари Килиан Мбаппе ва Винисиус Жуниор устидан даъво аризаси билан чиқмоқчи.
Престианнининг режаси:
Манбага кўра, Престианни ўзига нисбатан қилинаётган айбловларни асоссиз деб ҳисобламоқда ва қуйидаги органларга мурожаат қилиш ниятида:
УЕФА ва ФИФА интизом қўмиталарига;
Португалия суд органларига.
Вазият қандай эди?
Эслатиб ўтамиз, ЕЧЛ доирасидаги «Бенфика» — «Реал» (0:1) ўйинида Винисиус Жуниор Престианнини ирқчиликда айблаган эди. Ўша вазиятда аргентиналик футболчи оғзини футболкаси билан ёпган ҳолда нимадир деган, бу эса УЕФА учун вазиятни ўрганишни қийинлаштирмоқда.
УЕФА қарори:
Ҳозирча УЕФА Престианнини еврокубоқлардан вақтинча четлатган ва суриштирув ишларини давом эттирмоқда. Аммо футболчи ва унинг вакиллари «Реал» юлдузларининг бу ҳаракатини «туҳмат кампанияси» деб баҳоламоқда.
Мбаппенинг ушбу можарога қандай қўшилиб қолгани ва даъво аризасидаги аниқ тафсилотлар тез орада маълум бўлиши кутилмоқда. Мадриддаги жавоб ўйини олдидан муҳит чинакамига "ёнмоқда".
