- Футбол ўйнаш қийин бўлди, жамоалар кўпроқ курашишига тўғри келди. Бу иккала жамоа учун ҳам ёқимли ҳолат эмас. Чунки "Машъал" ҳам яхши футбол ўйнаш учун келганди. Шундай пайтда футболчиларнинг яна қандай ҳусусиятга эга эканлигини, бу каби ҳолатларда қандай кураша олишини кўришимиз мумкин. Уч очкони инобатга олсак, барчаси яхши.
- Майдонни кўрганингиздан кейин режалар ўзгардими?
- Ҳа, албатта. Жамоалар асосан рақибга тайёргарлик кўради. Кейинчалик шарт-шароитлар ўрганилади. Бир неча кун давомида тузилган режалар ўйин олдидан ўзгариб кетди. Бу биз истаган футбол эмас. Об-ҳаво бизни шунга мажбур қилди.
- Ўтган турда мухлислар ташрифи бўйича энг кам сон "Локомотив"нинг уй ўйинида бўлди. Бу об-ҳаво билан боғлиқми ёки Тошкентда футболга қизиқиш пастми?
- Тошкентдаги барча жамоаларда ҳолат шундай. Вилоятларда кўпроқ мухлислар ўйинларга ташриф буюришади. Билмадим. Балки, биз кўрсатаётган футбол ва натижалар сабабдир. Чиройли футбол намойиш қилсак, мухлислар ташриф буюрар. Бу борада ишлашимиз керак. Лекин Сиз айтаётган муаммо фақатгина бизда эмас, "Пахтакор" ва "Бунёдкор"да ҳам бор. Биз эса бошқа ишлар билан шуғулланишимиз керак.
