"Биз яратган Африка футболи кўриниши жуда анча шармандали бўлди. Бутун жаҳон кўз ўнгида ўйинни 10 дақиқадан ортиқ тўхтатиш зарурати – бу жуда ҳам чиройли кўринмади. Футбол баъзан шафқатсиз бўлади ва бугун биз мағлуб бўлдик. Биз финалда имкониятлар кам бўлишини биламиз ва улардан фойдаланиш керак. Сўнгги сониялардаги пенальти бизга чемпионликни олиб келиши мумкин эди, аммо бу тақдирда ёзилмаган экан. Бу ҳақда соатлаб гаплашиш мумкин, лекин умид қиламанки, бу жамоа янада кучлироқ қайтади", — дея Реграгининг сўзларини France24 нашри келтиради.
Эслатиб ўтамиз: Сенегал дарвозасига қўйилган баҳсли пенальтидан сўнг сенегаллик бош мураббий Пап Тьяв жамоани майдондан олиб чиқиб кетганди. Кейинчалик Садио Мане футболчиларни қайтариб келди ва Браим Диас пенальтини "паненка" услубида тепди, аммо тўп тўғридан-тўғри дарвозабон Эдуард Менди қўлига тушди. Қўшимча вақтда Пап Гейе урган гол Сенегалга ғалаба келтирди.
