Futbolchi 2023/24 yilgi mavsumda kataloniyaliklar sharafini himoya qilgan.
"Barcha biladi, men "Barselona" muxlisiman, "Barselona"ni yaxshi ko'raman, bu klubni yaxshi ko'raman, u yerda vaqt o'tkazish menga juda yoqqan. Mening qalbim "Barselona" bilan va ular o'tgan mavsumda ko'plab titullarni qo'lga kiritganidan baxtiyorman", - dedi Kanselu.
Eslatib o'tamiz, "Barselona" o'tgan mavsumda Ispaniya chempioni bo'ldi, Ispaniya kubogi va Superkubogini qo'lga kiritdi. Xans-Diter Flik shogirdlari Chempionlar Ligasida yarim finalga qadar yetib bordi va "Inter"ga mag'lub bo'ldi.
