"The Sun Sport" нашрининг хабар беришича, Эквадордаги ўйинда даҳшатли воқеа содир бўлган. 48 ёшли Хавьер Ортега ўйин ўртасида футболчилар ва томошабинлар кўз ўнгида ўлдирилган, бу эса майдонда ва трибунада тартибсизликларни келтириб чиқарган.
Гувоҳларнинг сўзларига кўра, ўйин пайтида бир неча номаълум қуролли шахслар ҳакамга яқинлашиб, кейин ўт очган. Қуролли шахслар Эль-Оро провинциясининг Пазажа шаҳридаги стадиондан қочиб кетган. Ўйинчилар ва томошабинлар ўқлардан яширинишга ҳаракат қилгани сабабли ўйин дарҳол тўхтатилган.
"LA100" хабарига кўра, маҳаллий ҳокимият суд-тиббий экспертиза ўтказиш учун ҳудудни ўраб олган.
Даҳшатли қотиллик яна бир бор Эквадордаги ҳаваскор футболга сингиб кетган зўравонлик ҳақидаги хавотирларни кучайтирди.
