Қўқон футболи тарбияланувчиси Иброҳим Раҳимов томонидан илгари сурилган таклиф, Одил Аҳмедов ва "Келажак Юлдузлари" компанияси асосичиси Нодирхўжа Юлдашев томонидан қўллаб-қувватланди ва Фарғона вилояти ФА 1-Вице Президенти Носир Отақўзиев билан ҳамкорликда ҚЎҚОН Лигасига асос солинди.

"Аҳмадхон" болалар футбол жамоаси бошчилигида йиғилган кенгашда, Қўқон ва Қўқонга туташ туманлардан жамоалар тўпландилар. 12та жамоа йиғилган лига 6та ёш тоифасини ўз ичига олади. 3та гуруҳ қуйидагича тақсимланди, 2007-08, 2009-10 ва 2011-12.

1-тур ўйинлари кўтарингки кайфиятда бўлиб ўтди. Катта мусобақаларни соғиниб қолган болаларни ҳам ўз вақтида йиғиш муаммо бўлмади.

"Мана шу мусобақани йўлга қўйиб берган ташкилотчиларга катта раҳмат! Болаларимизни ҳар доим ҳам узоқ ҳудудлардаги мусобақаларга юбора олмаймиз, баъзан имоният бўлмаса, базида бизни чақиришмайди. Бу мусобақа эса биз каби клубларга айни муддао бўлди. Тошкент шаҳар чемпионати ҳақида эшитганмиз, ҳавасимиз келарди. Бугун бизда ҳам мана шундай мусобақа бор", - дейди тарбияланувчилардан бирининг отаси.

2007-08 йилларда таваллуд топган футболчилар ўртасида қайд этилган натижалар ва турнир жадвали.

2009-10 йилларда таваллуд топган футболчилар ўртасида қайд этилган натижалар ва турнир жадвали.

2011-12 йилларда таваллуд топган футболчилар ўртасида қайд этилган натижалар ва турнир жадвали.

Болалар футболида янгилик, энди Қўқон Лигаси ҳам мавжуд!