Bugungi mashg'ulotlar "Jar" stadionida olib borildi. Ilk bor terma jamoaga chaqirilgan Alibek Davronov bu borada fikrlari bilan o'rtoqlashdi.
"Terma jamoa yig'iniga chaqirilganimni eshitib xursand bo'ldim. Mamlakat bosh jamoasida o'ynash katta sharaf. Bu yerda begona futbolchilar yo'q. Umar Eshmurodov va boshqalar bilan "Nasaf"da birga to'p tepamiz. Maydonda uchrashganmiz. Hammasi yaxshi.
Qozog'iston kuchli raqib edi. Rossiyani ham shunday degan bo'lardim. Nasib qilsa oldindagi bahsda g'alaba qozonamiz",- deydi Alibek Davronov.
