А Серия, 31-тур
“Ювентус” - “Женоа” 2:0
Голлар: Бремер 4, МакКени 17.
Туриндаги "Альянц" стадионида кечган баҳс "бьянконери"нинг 2:0 ҳисобидаги ғалабаси билан якунланди. Учрашувни Давиде Масса бошқариб борди.
Майдон эгалари ўйинни жуда фаол бошлашди. Ҳали 4-дақиқадаёқ Бремер ҳисобни очиб, туринликларни олдинга олиб чиқди. 17-дақиқада эса Уэстон Маккенни орадаги фарқни иккитага оширишга муваффақ бўлди.
Меҳмонларда ҳисобни қисқартириш учун қулай имконият юзага келган эди. Бироқ 75-дақиқада Аарон Мартин пенальтидан унумли фойдалана олмади.
Ушбу ғалабадан сўнг "Ювентус" ўз очколарини 57 тага етказиб, турнир жадвалида 5-ўринда бормоқда. 33 очкога эга "Женоа" эса 14-поғонани эгаллаб турибди.
