Erling Xolandning "Dortmund" darvozasiga sakrab urgan mo'jizaviy golidan hamma hayratdi.

Pep Gvardiola tabiiy ravishda birinchi o'rinlarda - u ajoyib taqqoslashni keltirdi.

"Meni bilgan insonlar ehtimol Yoxan Kroyffning hayotimdagi ahamiyatini ham bilishadi - inson, ustozi va menejer sifatida.

U ko'p yillar oldin "Kamp Nou"da "Atletiko" darvozabosiga gol urgandi va bu Xolandning goliga juda o'xshash edi. Erling gol urganda men "O, Yoxan Kroyff" deb o'yladim".

Pep buyuk gollandning qaysi goli haqida gapirmoqda. Mana u:

Haqiqatdan ham juda o'xshash:

Gvardiola buyuk gollandning faoliyatidagi eng muhim o'yinlardan birini esladi: Madridning "Atletiko" jamoasi darvozasiga "Fantomcha gol". Bu deyarli 50 yil oldin sodir bo'lgan edi - 1973 yilning 22 dekabrida.

Sherigining noqulay pasidan so'ng Kroyff chimdan yuqoriga sakradi, ishonib bo'lmas darajada to'pga etib bordi va oyog'ining orqa qismi bilan to'pni darvozaga yo'naltirdi. Darvozabon qo'llarini silkitdi va hech narsa qila olmadi. O'shandan so'ng Yoxan to'liq o'ziga "uchar golland" laqabini oldi.

"Barsa" ham golni eslaydi. Klub 2022 yilning iyulida golni NFT ko'rinishida 693 ming dollarga sotdi.

Bu afsonaning golini aks ettiruvchi animaciya. Nom ham jarangdor - In a Way Immortal, yani "Qaysidir manoda o'lmas".

Token Barselona texnologiya kompaniyasi BCN Visuals bilan hamkorlikda hamda Yoxan Kroyffning hayoti va merosi haqidagi malumotlarni saqlaydigan The World of Johan Cruyff veb-sayti yordamida ishlab chiqilgan. 40 soniyalik videoda gollivudning 40 nafar eng yaxshi kompyuter grafiklari va maxsus effektchilari ishtirok etishdi. Umumiy olganda, barchasiga o'ng ming soatdan ko'proq vaqt ketdi.

Gol bunga arziydi. Balki, Xolandning golini ham shunday qilishar?

"Manchester Siti" (Angliya) – "Borussiya", Dortmund (Germaniya) 2:1

Gollar: 0:1 – 56 Bellingem, 1:1 – 80 Stounz, 2:1 – 84 Xoland.

"Manchester Siti": Ederson, Stounz, Ake, Akanji, Joau Kanselu, Gyundogan (Bernardu Silva, 58), de Bryuyne, Rodri, Grilish (Foden, 58), Marez (Alvares, 58), Xoland (Fillips, 90).

"Borussiya": Mayer, Mene, Xummels, Zyule, Gerreyru, Jan, Ozjan (Adeyemi, 88), Bellingem, Roys (Mukoko, 88), Reyna (Malen, 62), Modest (Shlotterbek, 78).

Ogohlantirishlar: Rodri (53), Malen (79), Ozdjan (88), Foden (90), Mene (90), Gvardiola (90).

Norvegiyalikning "Manchester Siti"dagi starti shunchaki "dahshat": u 9ta o'yinda 13ta gol va 1ta assist qayd etdi.

VIDEO ECHL. "Manchester Siti" - "Borussiya D" 2:1

Alisher Ostonov tarjimasi

Xolandning goli - Kroyffning nusxasi! Yoxan o'sha kuni doimiy "uchar golland"ga aylangandi