"TEAMtalk" хабарига кўра, воситачилар аллақачон Винисиуснинг ёзги трансфери бўйича 5 та Премьер-лига клуби — "Манчестер Юнайтед", "Ливерпуль", "Арсенал", "Манчестер Сити" ва "Челси", шунингдек, ПСЖ ва "Бавария" билан боғланган.
25 ёшли бразилиялик футболчи билан боғлиқ вазият 18 ойдан ортиқ давом этаётган узоқ муддатли шартнома музокаралари туфайли кескинлашди. Винисиус Килиан Мбаппеникига ўхшаш маошни — ҳафтасига 500 000 фунт стерлингдан ортиқ пулни талаб қилмоқда.
"Қироллик клуби" ўзининг сўнгги таклифини берди ва футболчининг атрофидагиларни бошқа ҳеч қандай қўшимчалар бўлмаслиги ҳақида огоҳлантирди. Президент Флорентино Перес 2027 йилда уни бепул йўқотишни истамайди, шунинг учун агар келишув яқин орада якунланмаса, "Реал" футболчини ушбу трансфер ойнасида сотувга қўяди.
Таъкидлаш жоизки, бразилиялик вингер жорий мавсум "қаймоқранглилар" сафида 44 ўйинда қатнашиб, 17 та гол урган ва 13 та голли пас узатди.
