1996 yilda "Arsenal" ustozi bo'lgan Arsen Venger 2018 yil 30 iyuniga qadar klubni boshqardi va APLda eng ko'p o'yin o'tkazgan murabbiyga aylandi – 823 uchrashuv.

Hozirgi kunda bitta jamoada 20 yildan ortiq ishlash juda qiyin. "To'pchilar"ning franciyalik murabbiysiz maydonga tushib kelishiga hali ko'pchilik o'rganmadi. Albatta, 3 marotaba Angliya chempioni (1997/98, 2001/02, 2003/04), 7 martadan Angliya kubogi va superkubogini qo'lga kiritgan 69 yoshli mutaxassis "Arsenal" klubi tarixida o'z nomini qoldirdi.

Keling, birgalikda Arsen Venger "Arsenal" bilan hamkorlikni yo'lga qo'ygan payt hozirgi APL menejerlari qaerda bo'lishganini ko'rib chiqamiz.

Unai Emeri (Arsenal)
Qaerda: "Toledo" (Ispaniya 2-divizioni)
Jamoadagi o'rni: futbolchi, 24 yosh

Ushbu mavsumdan aynan "Arsenal" klubida Arsen Venger o'rnida ustozlik qilayotgan Unai Emeri 1996 yilda "Real Sosedad" klubiga o'ta olmaganidan so'ng, Ispaniya ikkinchi divizioni vakili "Toledo" bilan shartnoma imzolagan edi.

Eddi Hau (Bornmut)
Qaerda: "Bornmut"
Jamoadagi o'rni: futbolchi, 18 yosh

Eddi Hau 1995-2002 yillar oralig'ida o'zini futbolchi sifatida tanitgan "Bornmut" klubida harakat qilgan – 201 uchrashuv.

Kris Houton (Brayton)
Qaerda: "Tottenhem U-21"
Jamoadagi o'rni: murabbiy, 37 yosh

Houton 1993 yilda futbolchilik faoliyatiga yakun yasagan va 4 yil mobaynida "Tottenhem U-21" jamoasida yordamchi murabbiy bo'lib ishlagan. Uning murabbiylik debyuti Vengerning "Arsenal"ga qo'shilgan davriga to'g'ri keladi.

Shon Daych (Byornli)
Qaerda: "Chesterfild"
Jamoadagi o'rni: futbolchi, 25 yosh

Mauricio Sarri (Chelsi)
Qaerda: "Antelle" (Italiyaning havaskor jamoasi)
Jamoadagi o'rni: bosh murabbiy, 37 yosh

1996-1998 yillarda Italiyaning "Antelle" havaskor klubida ishlagan Sarri har uy uchrashuvidan so'ng, jamoa egasi restoranida kechki ovqatni shogirdlari bilan birga qilgan.

Marku Silva (Everton)
Qaerda: "Belenses" (Portugaliya klubi)
Jamoadagi o'rni: futbolchi, 19 yosh

David Vagner (Haddersfild Taun)

Qaerda: "Shalke 04"
Jamoadagi o'rni: futbolchi, 24 yosh

David Vagner (o'ngdan birinchi)

Yurgen Klopp (Liverpul)
Qaerda: "Maync 05"
Jamoadagi o'rni: futbolchi, 29 yosh

Pep Gvardiola (Manchester Siti)
Qaerda: "Barselona"
Jamoadagi o'rni: futbolchi, 25 yosh

Joze Mourino
Qaerda: "Barselona"
Jamoadagi o'rni: murabbiy yordamchisi, 33 yosh

Rafael Benites (Nyukasl Yunayted)
Qaerda: "Osasuna"
Jamoadagi o'rni: murabbiy, 36 yosh

Mark Xyuz (Sautgempton)
Qaerda: "Chelsi"
Jamoadagi o'rni: futbolchi, 32 yosh

Mauricio Pochettino (Tottenhem)
Qaerda: "Espanol"
Jamoadagi o'rni: futbolchi, 24 yosh

squawka.com saytidan Nodir Abdurasulov tarjimasi

Venger "Arsenal"da ish boshlaganida APLning hozirgi murabbiylari qaerda bo'lishgan?