Vadim Abramov: "O'yin kurashlarga boy bo'ldi. Bahs Huddi Kubok uchrashuvidek taassurot qoldirdi. Mezbonlar bizni mag'lub etishni juda xohlagandi. Birinchi bo'limda vaziyatlar yarata oldik, ikkinchisida esa raqib uzatmalar orqali bahsda ustunlik qilishdi. Yigitlar bu bosimga chidab berishdi. Durang bizni qoniqtirardi".

- "Dinamo"ning 10-raqamdagi futbolchisi bahs oxirida vaqtni cho'zishga harakat qildi, bu sizning ko'rsatmangizmi?

- Yo'q. Etibor bergan bo'lsangiz bungacha vaqt cho'zgan futbolchini almashtirdim. O'yinchilar bazida futbol ayyorliklaridan foydalanishadi. Men ko'rsatma berganim yo'q, ammo bunga qarshi ham emasman.

- "Dinamo" Superligaga chiqish masalasini deyarli ijobiy hal qildi, kelasi mavsum jamoaning necha foiz futbolchilari saqlab qolinadi?

- Hali chiqib bo'lganimiz yo'q. Masala hal bo'lganidan so'ng ko'rib chiqamiz. Jamoamiz yomon emas, ammo bugungi bahsdan so'ng bazi savollar paydo bo'ldi.

- "Dinamo" O'zbekiston Kubogida "Nasaf" bilan o'ynaydi. Ular tarkibida terma jamoa vakillari bor va ular charchab kelishadi. Samarqand klubi finalga chiqa oladimi?

- Harakat qilamiz. Har doim ham yarim finalga chiqavermaymiz. Yigitlar o'zini ko'rsatishmoqchi. "Nasaf" jiddiy jamoa. Avvalgi bosqichlarda ham raqiblar kuchli edi. Qarshi klubi ayni damda o'zbek futboli etakchisi. Muxlislarimizni xursand qilishga harakat qilamiz.

- Joel Kojo Qirg'iziston terma jamoasiga chaqirildi. U Kubok o'yinigacha qaytadimi?

- Ulguradi. Ammo 14 oktyabrdagi bahsni o'tkazib yuboradi. Bunaqasi ikkinchi marta sodir bo'lyapti. Demak, Kojosiz o'ynaymiz.

- "Dinamo"ni Superligaga chiqqani bilan tabriklasak bo'ladimi? Vazifa necha foizga bajarildi?

- So'nggi qadamni tashlab, "G'ijduvon"ni mag'lub etishimiz kerak. Hozir Superligaga chiqdik deya olmayman. Imkoniyatlarimiz oshdi. Afsuski, bu o'yinni ko'pchilik o'tkazib yuboradi.

Vadim Abramov: "Hozircha Superligaga chiqib bo'lganimiz yo'q"