Shu o'rinda ushbu musobaqa haqida eng kerakli malumotlarni keltirib o'tamiz. Navbatdagi U-17 Osiyo chempionati 2025 yilning 3-20 aprel kunlari Saudiya Arabistonida bo'lib o'tadi. Musobaqada jami 16ta terma jamoa ishtirok etadi. Osiyoda kvotalar oshgani sabab bu safar 8ta jamoa 2025 yil Qatarda o'tkaziladigan U-17 jahon chempionati yo'llanmasiga ega chiqadi.

U-17 Osiyo chempionati saralash o'yinlari 10ta guruhda olib boriladi va guruh g'oliblari bilan birga 5ta eng yaxshi ikkinchi o'rin egalari ham Osiyo chempionatiga yo'llanma oladi. Saralash bosqichi 10ta davlat mezbonligida kechadi.

A guruhi - KXDR, Eron, Suriya, Iordaniya (mezbon), Gonkong.

B guruhi - Kambodja (mezbon), Afg'oniston, Filippin, Bangladesh, Makau.

C guruhi - Janubiy Koreya, Xitoy (mezbon), Bahrayn, Maldiv, Butan.

D guruhi - Tailand (mezbon), Hindiston, Bruney, Turkmaniston.

E guruhi - O'zbekiston, Iroq, Xitoy Taypeyi, Falastin.

F guruhi - Yaponiya, Qatar (mezbon), Mo'g'uliston, Nepal.

G guruhi - Avstraliya, Indoneziya, Quvayt (mezbon), Shimoliy Mariana orollari.

H guruhi - Malayziya, Laos (mezbon), BAA, Livan.

I guruhi - Yaman, Vetnam (mezbon), Qirg'iziston, Myanma.

J guruhi - Tojikiston, Ummon, Singapur (mezbon), Guam.

Ko'rib turganingizdek, O'zbekiston U-17 terma jamoasi E guruhida joy olgan bo'lib, o'smirlarimiz o'z o'yinlarini quyidagi tartibda o'tkazadi.

23 oktyabr. O'zbekiston - Falastin

25 oktyabr. Xitoy Taypeyi - O'zbekiston

27 oktyabr. O'zbekiston - Iroq

Buni qarangki, xuddi yoshlar terma jamoamiz kabi o'smirlarimiz ham saralashni Xitoy Taypeyida o'tkazadi. Bu yoshdagi terma jamoa bosh murabbiyi Islom Ismoilov bo'lib, yosh mutaxassis va uning shogirdlariga bo'lajak bahslarda omad tilab qolamiz.

X.Xoliqov.

U-17 Osiyo chempionatiga saralash haqida malumotlar