Mazkur bahsga oid qiziqarli malumotlarni jamladik.

1. Vadim Agishev "Surxon"ning qatorasiga 2-o'yinida ishladi. Termiz klubi "Nasaf" va "Bunyodkor" bilan uchrashuvlarda faqat 1 ochko olishni uddaladi.

2. "Bunyodkor" bu yil Agishev boshqarayotgan o'yinlarda yutqazmadi (2 g'alaba, 1 durang).

3. 21 yoshli Avazbek O'lmasaliev Superligadagi ilk dublini rasmiylashtirdi.

4. Eng qizig'i, bu jamoalarning 1-davradagi o'yinida "qaldirg'ochlar"dan Farruh Ikromov va Ibrohim Tomiva ham O'zbekiston chempionatlaridagi 1-dubllariga erishishgan edi.

5. Termizliklar forvardi Murodbek Bobojonov Superligadagi 4-golini urdi. Bunaqasi so'nggi bor 2017 yilda sodir bo'lgandi.

6. "Bunyodkor" futbolchilari bu yil eng ko'p "Surxon" darvozasini ishg'ol qilishdi (2 o'yinda 8 gol).

7. "Surxon" "Bunyodkor" maydonida hech qachon ochko ola bilmagan.

8. Ushbu jamoalar o'zaro o'yinlarda hanuzgacha durang o'ynashgani yo'q.

9. "Surxon"ning mudofaa chizig'i bu yil Superligada eng zaif hisoblanadi. Jamoa 25 o'yinda 43 ta gol o'tkazib yubordi.

10. Shuhrat Maqsudov shogirdlari bu yil "Bunyodkor"da umuman yutqazgani yo'q. Jamoaning o'z maydonidagi so'nggi mag'lubiyati o'tgan yilning 29 noyabrida "Nasaf"dan qabul qilingan edi.

11. "Surxon" ayni paytda musobaqa jadvalida 10-bo'lib turgan esa ham, elitadagi o'rnini kafolatlagani yo'q. Barchasi so'nggi turda Termizda o'tadigan "Mashal" bilan o'yinda hal bo'ladi.

foto: "Bunyodkor" matbuot xizmati

"Paxtakor"ning yirik g'alabasi qayd etilgan poytaxt derbisidan 11 fakt

To'rtta gol urilgan Toshkentdagi o'yindan 11 fakt