Toshkentning “Lokomotiv” klubi “A” guruhidan o'rin egalladi. Xo'sh, bu borada klub bosh direktori o'rinbosari To'labek Akramovning fikri qanday? Bu haqda bilish maqsadida u kishining o'zi bilan suhbatlashdik.

- Bilasizmi nufuzi bo'yicha Osiyoda birinchi o'rinda turadigan ushbu OCHL musobaqasida kuchsiz jamoaning o'zi yo'q. Unda ishtirok etuvchi klublar o'z mamlakatida bekorga yuqori o'rinlarni band etmagan deb o'ylayman. OCHL yo'llanmasi uchun har bir jamoa o'z ichki chempionatida jiddiy kurash olib boradi. Jamoamiz o'rin olgan “A” guruhiga etibor qaratadigan bo'lsak, menimcha muxlislarimizni kelasi yil qiziqarli to'qnashuvlar kutib turibdi desam mubolag'a bo'lmaydi. Raqiblar biz uchun notanish emas. Ular bilan bungacha garchi rasmiy o'yinlarda ro'baro' kelmagan bo'lsakda, sinov-nazorat o'yinlarida uchrashganmiz. Bu yilgi OCHLda guruhdan chiqa olmadik. Lekin endi bu gal yo'l qo'yilgan xatolar ustida ishlab, eng avvalo guruhdan chiqamiz deb umid qilaman. Buning uchun “Lokomotiv”da barchasi mujassam. Hammasi o'zimizga bog'liq deb hisoblayman.

- Fursatdan foydalanib, kelasi yil xalqaro maydonlarda yurtimiz sharafini himoya qiladigan “Paxtakor”, “Nasaf” va “Bunyodkor” jamoalariga ham omad tilab qolaman. Zero bu klublar ham xalqaro maydonda yagona – O'zbekistonimiz bayrog'i ostida maydonga chiqadi.

Islombek Rustambekov.

To'labek Akramov: “OCHLda kuchsiz jamoalar bo'lmaydi”