O'yin haqida

- "Neftchi" bilan oson bo'lmasligi aniq edi. Yaxshi o'yin bo'ldi. Birinchi taymda temp unchalik ham yuqori bo'lmadi. Birinchi taymda biroz dim havo edi. Shu sabab ham shiddat biroz pastroq edi. Ikkinchi bo'lim qiziqarli o'tdi. Menimcha, durang adolatli natija bo'ldi. Ikki jamoada ham imkoniyat bo'ldi. O'yin golga qadar edi. Ikki jamoa ham durangga rozi bo'lsa kerak.

- "Olimpik"dagi raqobat o'tgan mavsumdagidek emas. Zaxiradan tushib, o'yinni kuchaytiradigan futbolchilar deyarli yo'q. Bu narsa sizga qiyinchilik tug'dirmayaptimi?

- Rotaciya bo'lmoqda. Ayniqsa, hujum chizig'ida. Hujum chizig'iga savollarim ko'p. Raqobat o'tgan yili kuchliroq edi, to'g'ri. Bu yil yoshlar ko'p jamoada. Sababi shunda. Biroq, shu yoshlar ham ancha kuchaydi. Bugun zaxiradan maydonga tushgan o'yinchilar ham ancha yaxshi harakat qilishdi. Rotaciya bo'lyapti, bu muammo emas.

- Bazi o'yinchilar yoshlar futbolidan chiqib keta olmayotgandek ko'rinmoqda. Kerakmas joylarda aldashga harakat qilib, jamoaviy o'yinga putur etkazayotgandek, nazarimda...

- Bu narsa yo'q emas. Bugun ham shunday epizodlar bo'ldi. Vaziyatlardan foydalansak bo'lardi. Qaerdadir shoshilishdi, qaerdadir tajriba etishmadi. Bu vaziyatni albatta ko'rib chiqamiz, keyingi o'yinlarda vaziyatlardan foydalanishga harakat qilamiz.

- Oxirgi 15 daqiqada "Olimpik" juda bo'sh harakat qildi. Bunga sabab nima edi? Charchoqmi?

- O'yinning oxirgi 5 daqiqasi bizning nazoratimizda bo'ldi. "Neftchi"ning zaxira o'rindig'i bizdan ancha kuchli. Hoshimov, Diyorjon Turopov, To'xtasinovlar maydonga tushishgandan keyin albatta "Neftchi" o'yini kuchaydi. Ular asosiy tarkib futbolchilari sanalishadi. Oxirida xatto gol urishimiz ham mumkin edi. "Neftchi" oddiy jamoa emas. Vaziyatni nazorat qildik, ammo vaziyatlar va boshqa jihatlarni hisobga olsak, durang adolatli bo'ldi.

- Demak, hujum chizig'i o'sishi kerak?

- Ha, menda hujumchilarimizga juda ko'p savollarim bor. Qaror qabul qilish, ochilish borasida muammolar bo'lmoqda. Balki, shunchaki tajrib etmayotgandir. O'tgan yili hujumchilarimiz yaxshiroq harakat qilishgandi. Hujumchi ko'p vaqt gol urmasa, bosim ham oshib boradi.

- Bugun "Olimpik" bir ochkoga ega bo'ldimi yoki ikki ochko yo'qotdimi?

- Albatta, uch ochko olmoqchi edik. O'yinga qarasak, durang adolatli bo'ldi.

Timur Kapadze: "Hujumchilarimizga juda ko'p savollarim bor"