Intriga bor. Musobaqa jadvali oxirgi turgacha ostin-ustun bo'lib ketishi mumkin. Masalan, 6-o'rindagi AGMK chempionatning qolgan qismida qoqilmasa, klub tarixida yangi sahifa ochiladi. Ligada karvonboshilik qilayotgan "Navbahor" va "Nasaf" yana medallardan quruq qolsa ham, ajablanmaymiz. Poytaxtning yaqin o'tmishdagi 2 grandi esa kelasi mavsumni Pro ligada o'tkazish ehtimoli bor.

Bazi murabbiylar Osiyo kubogi tufayli Superligada yuzaga kelgan (iyun oyidagi) to'xtalish shogirdlariga yomon tasir qilgani haqida gapirishdi. Bu fikrda qanchalik jon borligini bilish uchun tanaffusdan keyingi 5 ta tur (12-16) statistikasini yig'dik.

! Tenglik bo'lishi uchun iyul-avgust oylarida o'tgan oldingi turlarning qoldirilgan uchrashuvlari inobatga olinmadi.

"Dinamo" - asosiy autsayder

Samarqand klubi qancha harakat qilmasin, quyi divizionga sho'ng'ishi kun sayin anqlashayotgandek. Elitada jon saqlash uchun kurashishi kerak bo'lgan "Dinamo" oxirgi 5 o'yinida 1 ochko to'pladi.

"Navbahor" - eng yaxshi (hozircha)

Oxirgi 5 turda Namangan klubi barchadan ko'proq (11) ball yig'di. 2-o'rindagi "Paxtakor" aktivida 10ta ochko bor. Ammo "So'g'diyona" 16-turning qoldirilgan o'yinida "Neftchi"ni yutsa, hammadan o'tib ketadi.

"Loko" gol urolmayapti

"Temiryo'lchilar" Korostinchenkoni istefoga chiqarishi uchun etarli asos bor edi. Jamoa so'nggi 5 turda atigi 2 bor raqiblari darvozasini ishg'ol qildi. Bu ligadagi eng yomon natija bo'lib, "Lokomotiv" mavsum avvalida qo'yib yuborgan Marat Bikmaev ham Toshkent klubidan ko'proq to'p kiritdi.

"Dinamo"da "ochiq eshiklar bayrami"

Samarqand klubi bu davrda 13 ta to'p o'tkazib yubordi. Abramovning kelishi ham hozircha jamoaga yordam berolmayapti. O'z navbatida "Olimpik" va "Paxtakor" futbolchilari mahsuldorlik borasida eng yaxshi natijani qayd etishyapti (10 tadan).

Babayanda "beton" himoya

"Navbahor" 5 o'yinda 3 marta gol o'tkazib yubordi. "Lochinlar" darvozasini faqat Shohnazar Norbekov, Po'latxo'ja Xoldorxonov hamda Shohruh Gadoev ishg'ol qildi.

"Qo'qon-1912"da duranglar seriyasi

Davron Fayziev shogirdlari ham ligada jon saqlash uchun harakat qilishyapti. Ular ketma-ket 5 o'yinda murosa ko'chiasi tanlashdi.

AGMKdan sensaciya

Olmaliq klubi 12-turgacha chempionlik uchun asosiy davogarlardan biri bo'lib turgandi. Ammo keyingi 5 ta turda atigi 4 ochko qo'lga kiritildi. Eng qizig'i, "konchilar"ning muvaffaqiyatsizligi Mirjalol Qosimov bilan shartnoma 2025 yilga qadar uzaytirilganidan keyin boshlandi.

Oxirgi 5 turda kimning natijasi siz uchun kutilmagan bo'ldi?

jamoalar	o'yin	ochko
"Navbahor"	5	11
"Paxtakor"	5	10
"So'g'diyona"	4	9
"Olimpik"	5	9
"Qizilqum"	5	9
"Metallurg"	5	8
"Nasaf"	5	6
"Qo'qon-1912"	5	5
"Lokomotiv"	5	4
"Bunyodkor"	5	4
"Surxon"	5	4
AGMK	5	4
"Neftchi"	4	3
"Dinamo"	5	1

Muallifning telegramdagi kanali → FA| futbol ANALIZI

Superliga. "Navbahor" "Paxtakor"dan, "Olimpik" "Nasaf"dan oldinda