Ole UEFA rasmiy saytiga bergan intervyusida qanday qilib murabbiy bo'lgani haqida gapirib berdi.

"Aleks Fergyuson men uchun ikkinchi otamdek bo'lgan. Mening uyim ham u yashagan ko'chada joylashgandi. Uning nevaralari mening farzandlarim bilan bir sinfda o'qishgan. Albatta, o'sha yillar davomida bizning o'zaro munosabatlarimiz fantastik darajada edi. Undan nimani so'ramang shunday javob berardi-ki -"Mana aql", - deb qo'yarding. 27-28 yoshligimda hech qachon murabbiy bo'lmayman deb o'ylardim. Hammaning diqqat-markazida bo'lishdan qochishni xohlardim. Ammo, jiddiy jarohat (o'sha jarohat sabab Ole faoliyatini erta yakunlashga majbur bo'lgan)dan so'ng shunday o'yladim: "Qaytib o'ynay olmagan taqdirimda ham futboldan ketishni xohlamayman". Shu tariqa tavakkal qilishga tayyorligimga amin bo'ldim.

Ser Aleks menda vaziyatni tahlil qila olish uchun baza borligini aytdi. Ammo, oldin qarshimda bor yo'g'i 1-2 himoyachi bo'lardi. Men futbol haqida hamma narsani bilaman deb o'ylardim.
Murabbiy bo'lganingdan keyin esa har bir vaziyat bilan bog'liq kichik detallargacha bilishing kerak bo'ladi. Faoliyatimdagi eng asosiy o'yinlar - Chempionlar ligasidagi bahslar. Albatta, sen bunaqangi to'qnashuvlarni sabrsizlik bilan kutasan. Stadionda madxiya yangraydi, sen esa maydonga chiqib kelasan... "Old Trafford"dagi bunday onlarni unutib bo'lmaydi. Chempionlar ligasidagi g'alaba haqida o'ylayapmanmi? Ungacha hali uzoq, taxmin qilmoqchi emasman", - deya Sulsherning so'zlarini keltirdi UEFA rasmiy sayti.

Sulsher: "Aleks Fergyuson men uchun ikkinchi otamdek bo'lgan"