Unda taniqli futbolchilar O'zbekiston milliy terma jamoasi va Namanganning "Navbahor"jamoasi a'zolari Davron Hoshimov, Xurshid Muhtorov, "Metallurg" futbolchisi Muxammad Isaev, OFK kubogi sohibi Ilhom Yunusov, O'zbekiston iftixori Abbos Maxsitaliev, taniqli futbolchi Robbim Hasanovlar ishtirokida master klass tadbiri o'tkazildi. Tadbirni Sirdaryo viloyati Jismoniy tarbiya va sport boshkarmasi boshligi O'roqov Iftixor Boymirzayevich ochib berdi. Tadbirda futbolchilar, yosh futbolchilar bilan savol-javob, mahorat saboqlari va futbol uchrashuvi bo'lib o'tdi. Shuningdek O'zbekiston chempionati va kuboklarida sovrindor bo'lgan bir qator yosh futbolchilar taqdirlanishdi.
