- Ўйин ҳақида фикрингиз?
- Мухлисларбоп ўйин бўлди. Ҳар икки жамоа яхши ўйин кўрсатишга ҳаракат қилди. Намангандан кўплаб ишқибозлар келгани ҳам бизни хурсанд қилди. Мухлисларни хурсанд қилиш мақсадида майдонга чиққандик. Биринчи таймда футболчиимиз қизил карточка олгач бир киши кам бўлиб қолдик. Бу эса ўйинимизга таъсир ўтказди. Қандай ҳолатда бўлмайлик, ҳужумкор ўйин кўрсатишимиз керак эди, шу боис футболчилар ҳаракат қилишди. Кам бўлиб қолганимиз барибир ўйин охирларига келиб билинди ва хатолар туфайли иккита гол ўтказиб юбордик.
- Кейинги турда "Насаф"га қарши қизиқарли баҳс кутмоқда. "Навбаҳор"нинг "Насаф"дан очко олишга кучи етадими?
- Жамоа бошқарувига келганимдан бери футболчилар билан гаплашяпмиз. Ўйинчиларимизнинг нимага қодир эканлигини тинмай таъкидлаяпмиз. Насиб қилса қолган ўйинларда ҳам бор кучимизни кўрсатишга ҳаракат қиламиз. Чунки мухлисларни хурсанд қилмасак бўлмайди. Бугунги баҳсни ҳам таҳлил қилган ҳолда хато ва камчиликларни ўрганиб чиқамиз.
