"Nasaf" muxlislarini g'alaba bilan tabriklayman.

Jamoa bugun o'yin taraflama, taktik tomondan va vaziyatlar yaratish borasida "Paxtakor"dan ustun o'ynadi. "Paxtakor" real imkoniyat yoki vaziyat yaratmadi. Juda bo'sh o'ynadi. Ishtiyoq jihatdan ham "Nasaf" raqibiga qaraganda ikki karra ko'proq g'alabani istadi.

"Paxtakor" futbol o'ynagan temp o'rta darajadan past, agressiya nol va ishtiyoq butkul ko'rinmadi. Tabiiyki bunday bo'sh o'yinda birorta aytarli vaziyat yaratilmadi.

O'yindagi gol "iz nichego", "fonar" urildi, to'g'ri. Lekin shundan keyin "Nasaf" katta jamoalardek tartib bilan natijaga qaratilgan o'yin qildi. Menimcha, "Nasaf" bugun "Paxtakor"dan ko'proq va kuchliroq qarshilik kutgandi. "Nasaf" juda oson yutib ketdi.

Kulguli eshitilishi mumkin, lekin "Paxtakor" qatorasiga nechanchi o'yindirki Voyneski davridagi jamoadan ko'ra ikki karra kamroq vaziyat yaratmoqda. Slavche paytida jamoa o'yinida tartib bo'lmagan bo'lsada, hujumdagi vaziyatlar etarlicha tashkil qilingan. Shunchaki "realizaciya" juda past bo'lgandi.

"Paxtakor" chempionlik o'yinini o'z uyida yutqazdi. "Nasaf" eng qiyin raqibiga qarshi Toshkentda muhim o'yinni o'z foydasiga yutdi.

Superliga chempionlik poygasida juda katta burilish.

Buyog'iga "Nasaf" chempionat peshqadami sifatida qolgan 6 turni juda yuqori bosimda o'tkazadi. Jamoa mentalitet jihatdan bunga tayyormi? Agar tayyor bo'lsa, unda qarshilik muxlislar juda uzoq kutgan onlarga oz qoldi. "Nasaf" ishtirokidagi o'yinlar juda katta qiziqish va ajiotaj uyg'otadi", deb yozadi Beg'amov.

Shahboz Beg'amov: "Paxtakor" Voyneski davridagi jamoadan ko'ra ikki karra kamroq vaziyat yaratmoqda"