17 mart kuni start olgan ushbu turnir guruh bosqichida Ahmadjon Musaev boshchiligidagi 1999 yilda tug'ilgan futbolchilardan tashkil topgan terma jamoa Yaponiya U-17, Janubiy Koreya U-17 hamda Pekin-U17 terma jamoalari bilan bir guruhdan o'rin olgandi. Musobaqada shuningdek, Yaponiya mahalliy klublarining 17 yoshgacha bo'lgan o'smirlar jamoalari ham ishtirok etmoqda. 16 ishtirokchi jamoa 4tadan 4 guruhga bo'linib, bahslarni o'tkazdi.

O'zbekiston U-17 dastlabki uchrashuvni Yaponiyaga qarshi o'tkazib, 0:0 hisobidagi durang natija qayd etdi. Musobaqa reglamentiga ko'ra duarng bilan yakunlangan asosiy vaqtdan so'ng, penaltilar seriyasi o'tkazildi va unda yaproniyaliklar g'alabani qo'lga kiritdi - 5:3.

17 mart kunining ikkinchi yarmida ushbu musobaqa doirasida jamoalar ikkinchi uchrashuvlarini o'tkazishdi. Unda Ahmadjon Musaev boshchilik qilayotgan jamoa Pekin o'smirlar terma jamoasiga qarshi maydonga tushib, 1:0 hisobida g'alaba qozondi.

18 mart kuni esa turnirning navbatdagi uchrashuvlari bo'lib o'tdi. O'zbekistonliklar 3-tur o'yinlari doirasida Janubiy Koreya o'smirlariga qarshi maydonga tushdi. Uchrashuv asosiy vaqtida g'olib aniqlanmadi va turnir reglamentiga ko'ra penaltilar seriyasi o'tkazildi. Unda o'zbekistonliklar 6:5 hisobida g'alabaga erishdi.

Takidlash kerakki, reglamentga ko'ra, o'yinning asosiy vaqtida g'alaba qozongan jamoaga 4 ochko, asosiy vaqtda mag'lub bo'lgan jamoaga 0 ochko, penaltilar seriyasi bo'yicha g'alaba qozongan jamoaga 2,5 ochko, penaltilar bo'yicha mag'lub bo'lgan jamoaga 1,5 ochko beriladi.

Shu tariqa, O'zbekiston U-17 terma jamoasi guruh bosqichida 8 ochko jamg'arib, keyingi bosqichga yo'l olgandi.

Chorak finalda O'zbekiston U-17 Yaponiya mahalliy klublaridan biri – “Omiya Ardija” bilan to'qnash keldi. Ushbu uchrashuv 2:1 hisobida Musaev jamoasi g'alabasi bilan yakun topdi.

Uchrashuvda O'zbekiston kiritgan ikki golga Islom Kenjaboev hamda Muhammad-Yusuf Abdumajidov mualliflik qildi.

Ushbu g'alabadan keyin O'zbekiston U-17 terma jamoasi musobbaqa yarim finaliga yo'l oldi.

SANIX xalqaro kubogi.

Chorak final.

O'zbekiston U-17 – “Omiya Ardija U-17” 2:1

Gollar: Islom Kenjaboev (35), Muhammad-Yusuf Abdumajidov (42)

O'zbekiston U-17: 12. Umidjon Ergashev, 2. Burxon Usmonov, 3. Ilhomjon Alijonov 5. Xudoyshukr Sattorov, 6. Dostonbek Berdiqulov, 7. Boburjon Asqarov, 8. Jahongir Ahmedov, 15. Islom Kenjaboev, 16. Suxrob Izzatov, 17. Afzaljon Xolmuhamedov, 19. Muhammad-Yusuf Abdumajidov.

Zaxira: 1. Akrom Xo'jaev, 4. Otabek Bekboev, 9. Kamron Saidazimov, 10. Zokirjon Ahmadjonov, 11. Jahongir Abdualomov, 13. Abdullo Rahimjonov, 14. Jasur Rahimov, 18. Doniyor Azizov, 21. Javohir Qilichev.

SANIX xalqaro kubogi. O'zbekiston U-17 yarim finalga yo'l oldi