"Ливерпуль” 9 апрель куни Робертсоннинг кетишини эълон қилганди. 2026 йилнинг ёзида 32 ёшли шотландияликнинг клуб билан шартномаси тугайди.
Манбага кўра, футболчи аллақачон "Тоттенхэм" билан шартнома имзолаш бўйича келишувга эришган. У 2028 йил ёзигача мўлжалланган. Агар "шпорлар" АПЛдаги ўрнини сақлаб қолса, футболчи Лондон клубига ўтишга тайёр.
Робертсон 2017 йилдан бери "Ливерпуль” сафида ўйнамоқда. У жамоа сафида 373 та ўйин ўтказиб, 13 та гол урган ва 69 та голли узатмани амалга оширган.
Ҳимоячи "Ливерпуль” билан икки марта АПЛ ва Англия Лига кубоги ғолиби бўлди, шунингдек Англия кубоги, мамлакат Суперкубоги, Чемпионлар лигаси, УЕФА Суперкубоги ва клублар ўртасидаги жаҳон чемпионатида биттадан ғолиб чиқди.
