OFK tomonidan ikki yulduzli maqomini olgan "Bunyodkor" akademiyasida ommaviy futbolni yangi bosqichga olib chiqish bo'yicha qator ishlar olib borilyapti.

Hususan oktyabr oyidan boshlab haftaning har shanba kuni o'z iqtidorini namoyon qilish istagida bo'lgan 5-10 yosh toifasidagi bolalar uchun akademiyada ochiq eshiklar kuni bo'lib o'tmoqda. Bolalar qabuli mutlaqo bepul etib belgilangan. Bugun esa mazkur tadbirning ochilish marosimi bo'lib o'tdi. Erta tongdan boshlangan ochiq eshiklar kunida ko'plab bolalar o'z ota-onalari hamrohligida tashrif buyurib davrasida to'p tepish imkoniga ega bo'lishdi. Akademiya murabbiylar ularning harakatini kuzatib borganini aytish mumkin. Shuningdek, turli eguliklar, tadbir so'ngida esa esdalik sovg'alari tortiq qilinganini qo'shimcha qilish darkor.

"Bunyodkor" bosh direktori Aziz Haydarov mazkur tadbirdan bosh maqsad nima ekanligi haqida batafsil to'xtalib o'tdi.

- Buni avvaldan rejalashtirgan edik. Faqat ochilish kuni aniq emasdi. Qaysidir manoda yangilik sifatida qabul qilish mumkin. Ochiq eshiklar kunida albatta futbolchi bo'lish shart emas.Sog'lom turmush tarzini targ'ib qilishga o'z hissamizni qo'shishni istaymiz. O'z oilalari bilan kelib, futbol havosidan bahra olishsa bas. Maydonda to'p tepayotgan bolalar orasidan iqtidorini ko'rsak, o'zimizga taklif qilamiz. Umuman olganda futbol bayrami qilib berishga harakat qilmoqdamiz. Boshlanishi doim qiyin. Bu ananaviy o'tadi. Kamchiliklarimizni to'g'irlashga intilamiz.

Eng muhimi "Bunyodkor"ga muxlislarni qaytarishimiz zarur. Bizni qo'llab-quvvatlaydigan ishqibozlarimiz uchun harakat qilamiz, deb baralla ayta olaman.

QOLGAN SURATLARNI SAYTIMIZNING GALEREYA BO'LIMIDA TOMOSHA QILISHINGIZ MUMKIN

Suratlar muallifi: Xurshida Abdikulova

Abdulaziz Iskandarov tayyorladi

REPORTAJ. "Bunyodkor" akademiyasida ochiq eshiklar kuni o'tkazildi