ЕЧЛдаги кутилмаган жароҳат:
Эслатиб ўтамиз, бельгиялик посбон Чемпионлар Лигаси 1/8 финали доирасидаги "Манчестер Сити"га (2:1) қарши жавоб ўйинининг танаффус вақтида алмаштирилган эди. Унинг ўрнига иккинчи бўлимда майдонга Андрей Лунин тушди. Маълум бўлишича, Куртуа ўйинолди чигалёзди машғулотларидаёқ сонида безовталик ва оғриқ ҳис қилган.
Шифокорларнинг сўнгги хулосаси кутилмоқда:
"As" нашрининг хабар беришича, бугун клуб раҳбарияти Куртуага тўлиқ дам беришга қарор қилган. Пайшанба куни дарвозабон чуқурлаштирилган тиббий кўрикдан ўтиши режалаштирилган. Айнан шу текширувлардан сўнг жароҳатнинг даражаси ва унинг дербида ўйнаш имкониятига ойдинлик киритилади.
Маълумот учун, Ла Лиганинг 29-туридан ўрин олган "Реал" ва "Атлетико" ўртасидаги марказий супердерби якшанба, 22 март куни "Сантьяго Бернабеу" стадионида бўлиб ўтади.
