Бу ҳақда журналист ва инсайдер Фабрицио Романо ўзининг X ижтимоий тармоғида хабар берди.
Маълумотларга кўра, испан клуби раҳбарияти футболчидан жуда мамнун, "қаймоқранг"лар президенти Флорентино Перес эса бразилияликнинг шартномани узайтиришига шахсан қизиқмоқда. Ҳозир ҳамма нарса Винисиуснинг ўзининг қарорига боғлиқ, музокаралар давом этмоқда.
Винисиус 2018 йил ёзидан бери "Реал"да ўйнамоқда. Жорий мавсумда ҳужумчи барча турнирларда 43 та ўйинда майдонга тушиб, 17 та гол урди ва 12 та голли пас берди. Transfermarkt портали маълумотларига кўра, футболчининг бозор қиймати 150 миллион евро.
