35 ёшли футболчи билан тузилган шартнома 2,5 йилга мўлжалланган.
Балотелли фаолиятида илк бор Европадан ташқарида ўйнайди. 2025 йилнинг ёзида ҳужумчи "Женоа"ни тарк этганди. У илгари Туркиянинг "Адана Демирспор", Швейцариянинг "Сьон", Италиянинг "Монца", "Милан" ва "Интер", Англиянинг "Ливерпуль" ва "Манчестер Сити", Франциянинг "Ницца" ҳамда "Марсел"да тўп тепган.
Балотелли Италия чемпиони унвонини 3 марта қўлга киритган ва "Интер" сафида Чемпионлар Лигаси ғолиби бўлган. Шунингдек, у "Манчестер Сити" билан бирга Англия Премьер-лигасини ҳам ютган.
