– Ўйин ҳақидаги фикрларингиз қандай?
– Бугунги ўйин ҳақида гапиришдан олдин барча яйпанлик мухлисларни ғалаба билан табриклайман. Ўзингиз гувоҳи бўлганингиздек, Пролигада осон ўйин бўлмайди, осонликча ғалаба қозониш ҳам қийин. Биз ўзимизга ўзимиз қийинчилик туғдирдик. Агар вазиятларимиздан тўғри фойдаланганимизда, йирик ҳисобда ғалаба қозонишимиз ҳам мумкин эди. Аммо футбол 90 дақиқа давом этади. Ўйинни охиригача ўйнаганимиз бизга фойда келтирди. Яна бир бор мухлисларимизни ғалаба билан муборакбод этаман. Рақиб жамоага кейинги ўйинларда омад тилайман.
– Абдулҳамид Турғунбоев ҳамда Раҳматилло Раҳимов майдонга тушгандан сўнг ҳужумкорлик ортди. Бу футболчилар 90 дақиқа ҳаракат қила олмайдими?
– Сиз айтган футболчиларни асосий таркибда тушириб, захирада қолганларни иккинчи бўлимда майдонга туширганимизда ҳам худди шундай яхши қўшилиб кета олишарди. Иккинчи бўлимнинг ярмидан сўнг футболчиларда чарчоқ аломатлари билиниб қолди. Биз уларнинг кучини тўғри тақсимлашга ҳаракат қилдик. Захирадан тушган футболчилар ўзини оқлади, деб ўйлайман.
