O'zbek futboli haqida gap ketar ekan, dastavval barchaning yodiga Qo'qon shahri keladi, chunki Qo'qon o'zbek futbolining vatani hisoblanadi. Qo'qon shahrida o'zbek futbolining rivoji uchun o'zlarining umrlarini bag'ishlagan insonlar judayam ko'pchilikni tashkil qiladi.

Ayni kunlarda Qo'qon shahrida o'zbek futboliga tamal toshini qo'ygan, Qo'qon shahrida millionlar o'yinining rivoji uchun katta hajmdagi ishlarni bajargan futbol fidoiylari xotarasiga bag'ishlangan “Qo'qon – o'zbek futbolining vatani” deb nomlangan turnir bo'lib o'tmoqda.

Turnirda faxriy hamda havaskor futbolchilar ishtirok etishmoqda. Respublikamizdagi eng chiroyli sport majmualaridan biri bo'lgan “Ahmadxon” sport majmuasida bo'lib o'tayotgan turnirda jami 16ta jamoa 4 guruhga bo'lingan holda ishtirok etishmoqda.

“A” guruhi
1. Aziztepa
2.Lokomotiv
3. Spartak
4.Progress

“B” guruhi
1. Avg'onbog'
2. Shahar
3. Shayxon
4. Islom Nurmatov

“S” guruhi
1. 18-maktab
2. Kimyogar
3. Faxriylar-2
4. 1980

“D” guruhi
1. 40 yillik
2.Faxriylar-1
3.Akademik licey
4. Versus

Turnir kecha 23-aprel kuni start oldi. Kecha , bugun va ertaga turnirning guruh bosqich o'yinlari bo'lib o'tadi. 26-aprel kuni chorak final o'yinlari bo'lib o'tsa, 27-aprel kuniga yarim final bahslarini o'tkazish rejalashtirilgan. Turnirning 3-o'rini uchun hamda final bahslari 28-aprel kuni bo'lib o'tadi.

Shu o'rinda Qo'qondagi turnir tashkiliy jihatdan professional darajada o'tayotganini , uchrashuvlarni respublikamizning tajribali hakamlari boshqarib borishayotganini alohida takidlash lozim.

Quyida “Qo'qon – o'zbek futbolining vatani” deb nomlangan musobaqaning dastlabki kunlardagi o'yinlaridan olingan suratlarni tomosha qiling.

Akramjon Mamadaliev tayyorladi.

Qo'qonda katta futbol turniri start oldi