Farg'ona viloyat hokimligi, viloyat mini-futbol assosiaciyasi va “Real futbol professional klubi” MCHJ hamkorligida tashkil etilgan musobaqada o'nta jamoa ikki guruhga bo'lingan holda kurash olib bordi.

Havaskor futbolchilar tashabbuslari bilan o'tkazilgan ushbu turnirda 40 yoshdan oshgan faxriy futbolchilar qatnashishdi.

O'yinlar 10 sentyabr kuni boshlanib, har yakshanba kunlari “Real futbol professional klubi” MCHJga qarashli so'niy maydonda bo'lib o'tdi.

Kecha musobaqaning final bosqichi bo'lib o'tdi. Dastlab o'z guruhida birinchi va ikkinchi o'rinni qo'lga kiritgan jamoalar yarim final bahslarida maydonga tushishdi.

Birinchi yarim finalda “Qo'qon-1912” jamoasi “Burvestnik” jamoasiga qarshi kurash olib bordi. O'yinda tashabbusga ega bo'lgan “Qo'qon-1912” faxriylari 6:1 hisobida raqibdan ustun kelishdi.

Ikkinchi finalchi nomi – “Jillet”-“Quva” faxriylari o'rtasidagi bellashuvda malum bo'ldi. Qiziqarli va keskin kurashlar ostida o'tgan bahsda “Jillet” futbolchilari 5:2 hisobida g'alaba qozonishdi.

Uchinchi o'rin uchun bo'lgan uchrashuvda yarim finalda mag'lubiyatga uchragan jamoalar – “Quva” va “Burvestnik” maydonga tushishdi. Ushbu bellashuvda quvaliklar raqiblarini 10:6 hisobida dog'da qoldirishdi.

“Qo'qon-1912” – “Jillet” o'rtasidagi final uchrashuvi ham murosasiz va keskin kurashlar ostida o'tdi. Musobaqada yuqori darajada o'tkazgan bu ikki jamoaning o'yini muxlislarda ham yaxshi taassurot qoldirdi. Finalda esa “Qo'qon-1912” jamoasi 5:1 hisobda zafar quchdi va bosh sovringa ega bo'ldi.

Musobaqa yakunida barcha ishtirokchilar ushbu turninni tashkil etgan va uni yuqori darajada o'tishini taminlagan “Real futbol professional klubi” MCHJ xodimlariga o'z minnatdorchiliklarni izhor etishdi.

Yarim final

“Qo'qon-1912” – “Burvestnik” – 6:1

“Jillet” – “Quva” – 5:2

3-o'rin uchun

“Quva” – “Burvestnik” – 10:6

Final

“Qo'qon-1912” – “Jillet” – 5:1.

Abror DEHQONOV

“Qo'qon-1912” faxriylari bosh sovrin sohibi