1."Qizilqum" Superligada qatorasiga 6 o'yindan beri "Bunyodkor"ga yutqazmadi (5 g'alaba, 1 durang). Bunday voqea oxirgi marta 2021 yilgi mavsumda ro'y bergandi.

2."Bunyodkor" Mirjalol Qosimov davridan buyon (2018 yil) safarda "Qizilqum" ustidan g'alaba qozona olmay kelmoqda.

3.Shu mavsum 1-turda "Bunyodkor" darvozasiga to'p kiritib, bitta golli uzatmani amalga oshirgan Shahboz Jo'rabekov kecha "qaldirg'ochlar" libosida "Qizilqum"ga qarshi maydonga tushdi.

4."Qizilqum" Superliga doirasidagi qatorasiga 3-o'yinda gol o'tkazib yubormadi. Navoiy klubi oxirgi marta 2022 yilning bahorida shunday natija qayd etgan edi.

"Navbahor" (0:0)
OKMK (1:0)
"Bunyodkor" (1:0)

5."Bunyodkor" bir mavsumda ikki bor "Qizilqum"ga imkoniyatni boy berib qo'ydi. Bunaqasi chempionat tarixida ikkinchi marta sodir bo'ldi (2022 yildan keyin).

6.Kechagi o'yinda yagona gol muallifi bo'lgan Muhammadali G'iyosov o'tgan yilda "Bunyodkor"ga qarshi Toshkentdagi o'yinda bitta gol urgan va bitta golli uzatmani amalga oshirgan edi.

7."Bunyodkor" Superligada ketma-ket oltinchi uchrashuvda g'alaba qozona olmadi (2 ta durang va 4 ta mag'lubiyat). "Qaldirg'ochlar" bu mavsumdagi hozircha yagona va oxirgi g'alabasini 8-turda (21 may kuni) "Lokomotiv"ga qarshi bahsda qo'lga kiritishgan edi.

"Qizilqum" - "Bunyodkor" o'yinidan keyingi qiziqarli faktlar