Toshkent klubi Flamarion bilan shartnoma imzoladi.

"Dinamo" Batumi safida 2022 va 2023 yilgi mavsumlarda mamlakat to'purari bo'lgan. 2019 yilda futbolchi to'purarlar poygasida ikkinchi o'rinni olgandi. Flamarion Gruziya chempionatida 139 ta o'yinda maydonga tushgan va 59 ta gol urgan. 23 marotaba assist qayd etgan. Bir mavsum quyi ligasida 32 ta bahsda 24 ta gol urgan. Rossiya Premer Ligasida esa 20 ta o'yin, 4 ta gol.

Futbolchi faoliyatining asosiy yillarini chap qanot vingeri va markaziy hujumchi sifatida o'tkazgan.

Shartnoma imzolagach, braziliyalik futbolchining fikrlari shunday bo'ldi:

- MDH futboli menga tanish. Faoliyatimning katta qismini Gruziyada o'tkazganman. Xuddi o'sha sermahsullikni "Paxtakor" safida ham takrorlash uchun mehnat qilaman va mamlakat chempionatida muvaffaqiyat qozonish uchun harakat qilaman.

Jovino Flamarion "Paxtakor" bilan shartnomaga imzo chekgan to'rtinchi legioner bo'ldi.

"Jovini biz ikki mavsum avval qo'lga kiritishni istagandik. Joriy mavsum uchun u bilan kelishuvga erishdik. 2025 yilgi mavsum yoshlarimiz bilan tajribali futbolchilarimizni umumlashtiramiz", - deydi Dilshod Karimov.

"Paxtakor" yana bir legioner bilan shartnoma imzolaganini rasman elon qildi!