"Yig'ilishda dastlab O'zbekiston futbol associaciyasi vice-prezidenti Odil Ahmedov so'zga chiqib, O'zbekiston futbol associaciyasi prezidentining 2022 yil 15 iyun kunidagi buyrug'iga asosan Laziz Qo'chqorov O'zbekiston futbol hakamlari markazi direktori etib tayinlanganini takidlab, yig'ilish ishtirokchilariga uni tanishtirdi.

So'ngra Laziz Qo'chqorov so'zga chiqib, bildirilgan ishonch uchun minnatdorlik bildirgan holda O'zbekiston futbol hakamlari markazi xodimlari, hakamlar va hakam nazoratchilari bilan yaqin hamkorlikda ishlash hamda mamlakatimizda hakamlikni yanada rivojlantirishga qaratilgan vazifalarni astoydil bajarishga urinishini aytib o'tdi.

Yig'ilishda futbol bo'yicha hakamlik faoliyatida erishgan muvaffaqiyatli tajribani ommalashtirish, uni yangi pog'onaga ko'tarish orqali futbol sohasida hakamlikni takomillashtirish, professional futbol musobaqalariga VAR tizimini joriy etishni kengaytirish, hakamlarni tayyorlash tizimini takomillashtirish maqsadida tanlab olish mezonlarini isloh etish, yuqori malakali hakamlar va nazoratchilarni tayyorlash, qayta tayyorlash, malakasini oshirish kabi vazifalar belgilab olindi.

Shu bilan birga yig'ilishda hakamlar va nazoratchilar tomonidan bir qator takliflar va fikr-mulohazalar bildirildi. Bildirilgan takliflar atroflicha o'rganib chiqilib, kelgusida hakamlar faoliyatini yanada takomillashtirish yuzasidan ishlarni olib borishga kelishildi", - deyiladi xabarda.

O'zbekiston futbol hakamlari markaziga yangi direktor tayinlandi