Dubaydagi "Rashid" stadionida Qirg'iziston terma jamoasi Filippinga qarshi bahs olib boradi.

Guruhdagi vaziyat

Har ikkala jamoa avvalgi ikkita o'yinda mag'lubiyatga uchrab nol ochko bilan oxirgi o'rinni egallab turibdi. Bugungi o'zaro to'qnashuvda kim g'alaba qozonsa, uchinchi o'rin bilan keyingi bosqichga chiqish imkoniga ega bo'ladi.

O'yindan oldingi fikrlar

Aleksandr Krestinin (Qirg'iziston bosh murabbiyi): "Biz guruhdagi oxirgi bahsga tayyormiz. Filippinni hurmat qilamiz, biroq bu jamoadan qo'rqmaymiz. Ushbu bahs naqadar muhim ahamiyatga ega ekanini butun jamoa birdek tushunib turibdi".

Sven-Goran Eriksson (Filippin bosh murabbiyi): "Imkoniyat bor ekan, oxirigacha kurashamiz. O'ylaymanki, bu o'yinda yigitlar bor kuchlarini berib harakat qilishadi. Bunga 100 foiz ishonaman. Hozircha hisobimizda umuman ochko yo'q va bundan juda xafamiz".

Qiziqarli malumotlar

- Bu Qirg'iziston va Filippin o'rtasida Osiyo Kubogidagi ilk to'qnashuv bo'ladi.

- Qirg'iziston avvalgi ikkita o'yinda raqiblar darvozasi tomon 22 bor zarba berib, shundan faqat bittasida gol urishga erishdi.

- Har ikki jamoa Osiyo Kubogi musobaqasining debyutantlari hisoblanadi.

Osiyo Kubogi prevyusi. Qirg'iziston - Filippin