O'yin vakillarimizning hujumi bilan boshlandi. 4- daqiqada Oybek Rustamov mahorat ko'rsatib, uch himoyachini chalg'itib aniq zarba yo'lladi. Namanganliklar posboni Akmal Tursunboev qiyinchilik bilan to'pni maydon tashqarisiga chiqarib yubordi. Oradan uch daqiqa o'tib darvozamiz tomon penalti belgilandi. Ro'zimboy Ahmedovning o'n bir mertli nuqtadan bergan zarbasini Aziz Ashurov qaytarishga erishdi.

Oradan yana uch daqiqa o'tib, uchrashuvda hisob ochildi. Burchakdan Jamshid Hasanov to'pni jarima maydoniga etkazdi. Uzoq burchakda turgan Suhrob Berdiev qiyin vaziyatda, o'tkir burchak ostida darvozani aniq nishonga oldi – 1:0.

Yana uch daqiqadan keyin esa “Navbahor” futbolchilari hisobni tenglashtirishdi. Namanganliklarni o'ng qanotdan uyushtirgan qarshi hujumi gol bilan yakunlandi. Gol muallifi Ravshan Xursanov.

Birinchi bo'lim yakunlanishi arafasida futbolchilarimizda gol kiritish uchun yaxshi imkoniyat vujudga kelgandi. Jamshid Hasanov – Suhrob Berdiev kombinaciyasi Berdievning ajoyib zarbasi bilan yakunlandi. Darvozabondan qaytgan to'pga esa himoyachilar birinchi bo'lib etib kelishdi.

Birinchi bo'lim 1:1 hisobi bilan intiho topdi.

Ikkinchi taymni jamoamiz beshta o'zgarish bilan boshladi. Maydonga Javohir Sidiqov, Bahodir Akramov, Muhammadanas Hasanov, Darko Gojkovich hamda Nikola Valentichlar tushishdi.
Maydonni esa Oybek Rustamov, Ibrohim Rahimov, Sobir Hamidov, Avaz Mamatxo'jaev va Shoxrux Xolmatovlar tark etishdi.

“Navbahor” taym boshida oldinga chiqib olishga erishdi. Alisher Mahmudov namanganliklarning ikkinchi goliga mualliflik qildi.

Goldan keyin katta kuch bilan oldinga tashlangan jamoamiz bir qator vaziyatlarga ega bo'ldi. Shunday hujumlarning birida Suhrob Berdievning zarbasidan so'ng darvoza ustuni, raqiblarimizni goldan saqlab qoldi.

Yana bir qulay imkoniyatdan Andrey Sidorov foydalana olmadi. Ikkinchi bo'lim yakunlanishi arafasida futbolchilarimiz ketma-ket hujum uyushtirishdi. Ammo o'rinishlarning barchasi besamar yakun topdi.

Shu tariqa jamoamizning uchinchi nazorat uchrashuvi mag'lubiyat bilan yakun topdi.

O'rtoqlik uchrashuvi

“Qo'qon-1912” – “Navbahor” 1:2 (1:1)

Hakamlar Z. Qodirov, O. Jumaev, A. Kalinin.

Gollar: Suhrob Berdiev. – Rashvan Xursanov, Alisher Mahmudov.

“Qo'qon-1912”: Aziz Ashurov (Islom Abdullaev), Jalil Kimsanov (Orif Mamajonov), Ibrohim Rahimov (Darko Gojkovich), Akmal Xolmurodov (Iqbol Malikjonov), Shoxrux Xolmatov (Nikola Valentich), Avaz Mamatxo'jaev (Bahodir Akramov), Jamshid Hasanov (Islom Karimov), Sobir Hamidov (Muhammadanas Hasanov), Oybek Rustamov (Javohir Sidiqov), Suhrob Berdiev, Nosir Otaqo'ziev (Andrey Sidorov).

“Navbahor”: Akmal Tursunboev, Abbos Otaxonov, Jahongir Mehmonov, G'iyos Komilov, Hasan Ergashev, Dilshod Jabborov, Azam Aliev, Mirzohid G'ofurov, Islom Isoqjonov, Ro'zimboy Ahmedov, Ravshan Xursanov.

Zaxiradan maydonga tushganlar: Akmal Ortiqov, Tohir Shamsitdinov, Alisher Mahmudov, Abduaziz Sultanov, Azizbek Turg'unboev, Alisher Samatov, Alisher Mirzaev.

O'rtoqlik uchrashuvi. "Qo'qon-1912" - "Navbahor" 1:2