Samarqanddagi Dinamo o'yingohida bo'lib o'tgan bahs ancha tomoshabop ruhda o'tdi. Jamoalar nazorat o'yinida emas, rasmiy bahsda maydonga tushgandek harakat qilishdi. Tengkurashlar ostida o'tgan dastlabki bo'limda hisob ochilmadi. Tanaffusdan so'ng esa murabbiylar Ilhom Sharipov ham, Ixtiyor Karimov ham tarkibda bir qator o'zgarishlarni amalga oshirishdi. Bu o'zgarishlar mezbonlarga ijobiy tasir qildi.

O'yinning 69-daqiqasida qanotdan hujumga kirishgan yosh dinamochilar hisobni ochishdi. Yosh himoyachi Hakimxon Alamxonov g'uzorliklar himoyachisi Asror Aliqulov va darvozabon Alibek Turopovdan ildamroq harakat qilib to'pni darvozaga kiritdi, 1:0.

O'tkazib yuborilgan goldan keyin vohaliklar hujumkorlikka etibor qaratishdi. Natijada oradan besh daqiqa o'tib, uchrashuv bosh hakami Sherzod Kamarov Dinamo himoyachisi qo'pollik bilan Sho'rtan hujumchisini to'xtatdi deya hisoblab, penalti belgiladi. 11 metrlik nuqtaga yaqinlashgan tajribali hujumchi Zafar Polvonovning zarbasini esa yosh darvozabon Shuhrat Murodov ajoyib reakciya bilan bartaraf etdi.

O'yinning so'nggi daqiqalarida esa samarqandliklar qarshi hujumda raqibni yana bir marta jazolashdi. 18 yoshli hujumchi Asomiddin Mamatov g'uzorliklar himoya qo'rg'onini dog'da qoldirib, hisobni 2:0 ko'rinishga olib keldi.

25 iyul (dushanba)

Nazorat uchrashuvi.

Samarqand, Dinamo stadioni.

DINAMO - SHO'RTAN - 2:0
Bosh hakam: Sherzod Kamarov
Gollar: Hakimxon Alamxonov 69, Asomiddin Mamatov 89.

Dinamo: Mixail Naumov, Aleksey Nikolaev, Ubaydullo Nabiev, Bunyod Isroilov, Akmal Bozorov, Jonibek Ko'chimov, Islom Sharipov, Iskandar Xolmirzaev, Jasur Azimov, Alisher Xoliqov, Amirjon Safarov.
Zaxiradan maydonga tushganlar: Shuhrat Murodov, Hakimxon Alamxonov, Laziz Nuriddinov, Omadjon Tayloqov, Komil Sharofutdinov, Mirkomil Lokaev, Orzumurod Ahmedov.

Sho'rtan: Eldor Tojiboev, Hasanboy Ergashev, Abbos Omonov, Sunnatilla Mamadaliev, Umarbek Eshmirzaev, Laziz Ubaydullaev, Xolmurod Xolmurodov, Eldor Boymatov, Marufxon Murodov, Farrux Haydarov, Zafar Polvonov.
Zaxiradan maydonga tushganlar: Alibek Turopov, Asror Aliqulov, Olimjon Karimov, G'ulom Rahmonov, Shahzod Xursandov, Yusuf Bo'riev, Mirmuhsin Sattorov, Vusol Mageramov.

O'rtoqlik uchrashuvi. "Dinamo" "Sho'rtan"ni mag'lub etdi